Luù 23:14 - WƆŊ FƐ̀Ì EBÒ SÌÀŊ DAYÀA

¹⁴ Wò naŋ nyiŋ woò wààŋ, “Nìŋ naŋ hìɛ̀ŋ wo felaa wɛɛ̀ ko nɛ̀ɛ̀ŋ miìŋ yèè nìŋ naŋ woò nààŋ wò yaà dè sùà anyùùŋ nyaŋ ke dòmaŋ naanààŋ diɛŋ. Kàuŋ dawedàwè ko fɛ̀ɛ̀fèìŋ nyɛ̀iŋ nààŋ gbiŋ, kɛɛ miŋ gò yɛ̀mɛ̀ è keì naanààaŋ wò naŋ nyɛ̀nɛ̀ŋ lɛ è nyaàiŋ dè màŋ keì maŋ nìŋ nauŋ jàà ɗì maŋ.

Luù 23:14 ပူးပေါင်းရင်းမြစ်များ

Maafiù 27:19

Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Nyɛ̀nɛ̀ŋ 13:28

Yèè jòòpɛɛ aŋ gò wa yɛ̀mɛ̀ èsaɓù bà gbiŋ wèè aŋ wa jìwà wò Jisɛ̀, yɛ̀ì nɔŋ è yaà àŋ naŋ wa dàwè wo Paalè wèè wo jìwàuŋ.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.