Luù 22:8 - WƆŊ FƐ̀Ì EBÒ SÌÀŊ DAYÀA

⁸ Kpeiŋ wo Jisɛ̀ naŋ tùɔ̀ŋ wo Pììlɛ yaà wo Jɔ̀ɔŋ yèè wò naŋ nyiŋ woò wààŋ, “Kɔ̀aìŋ yèè niŋ e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ weè wi.”

Luù 22:8 ပူးပေါင်းရင်းမြစ်များ

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Luù 1:6

Wo Dayà naŋ wa nyimèè kɛ̀ nyiŋ tìyèe naŋ wa nyìnìè wɔŋ nyiiŋ gèe nyiŋ nɔɔ̀ŋ e tɔ̀ɔ̀nyaàŋ sùà, esaɓù kɛ̀ àŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

Luù 22:9

Anyùùŋ màŋjɛ̀wɛ̀ Jisɛ̀ nyaŋ nauŋ dawè nyààŋ, “Kòò mùŋ manaŋ wèè eiŋ ka eiŋ bànèbànè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ?”

Nyɛ̀nɛ̀ŋ 3:1

Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla.

Nyɛ̀nɛ̀ŋ 3:11

Wo felaaà naŋ wa dè wo Pììlɛ yèè wo Jɔ̀ɔŋ maŋjɛ̀wɛ wò yaà nyiìŋ kààìŋ kɔɔ fɔ̀ɔ̀ yèè àŋ naŋ kɔ̀ koɓɛ̀i àŋ hewa nyààŋ ko Pìàzà Salemàiŋ lɛ̀. E keìɛ naŋ wa fòònò anyùùŋ nyaŋ gbiŋ yèè àŋ naŋ dùɔ̀ŋ aŋ kà koɓɛ̀i aŋ gbɛ̀ìŋ Pììlɛ yaà wa lɛ̀.

Nyɛ̀nɛ̀ŋ 3:3

Nààŋ wò naŋ yɛ̀mɛ̀ wo Pììlɛ yaà wo Jɔ̀ɔŋ àŋ yaà jɔ̀à sùà ko Saaŋ Zòòlò Dayài, wò naŋ nyiŋ dawè wèè aŋ kiɛ̀uŋ e nɛɛnɛŋ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:19

Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

Nyɛ̀nɛ̀ŋ 8:14

Nààŋ aŋ keela tàeɗùù nyaŋ ko Jùlusɛ̀làm naŋ wa kòmò kɛ̀ anyùùŋ nyaŋ ko Sàmilià jàà ke mìè Dayàa kùàŋ dìì, àŋ naŋ wa tùɔ̀ŋ wo Pììlɛ yèè wo Jɔ̀ɔŋ ko nɛ̀ɛ̀ŋ nyiŋ niìŋ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.