Luù 22:53 - WƆŊ FƐ̀Ì EBÒ SÌÀŊ DAYÀA

⁵³ Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Luù 22:53 ပူးပေါင်းရင်းမြစ်များ

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Luù 22:52

Kpeiŋ wo Jisɛ̀ naŋ wòò aŋ kànà sìèfèìŋ zòòlo nyàŋ yèè anyuùŋ tùnìàŋ ke Saaŋ Zòòlò Dayàa yaà aŋ màmànkùmɛ̀ŋ fuɔɔ̀ŋ naŋ wa hnè ko kuwieuŋ nyàŋ wààŋ, “Wèè kiìŋ nìŋ naŋ hìɛ̀ŋ maŋ koya fòo yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀?

Luù 22:54

Kpeiŋ àŋ naŋ kɔ̀ɔ̀ wo Jisɛ̀ ko gbòò wo Kànà Sìèfèìŋ Zòòlo Gbeeɔ̀. Wo Pììlɛ kùwà nyìŋ wa maŋjɛ̀wɛ e fèemàŋ mùnlaŋ sùà.

Jɔ̀ɔŋ 12:27

“Ke jìì sɛ̀ɛ yààìm , yèè miŋ nyimààŋ naàŋ kɛ̀ kiìŋ mìŋ naŋ ɓɛ̀nɛ̀ŋ nyɛ̀nɛŋ. Kɛɛ miŋ naàŋ dàwè wò Dèda miɔ̀ŋ wèè wò doim joeyè è tèèngà è keì nyìnga lɛɛ̀. E kìlà ngèè, wèè esaɓù lɛɛ̀ mìŋ naŋ wa hnè koɓɛ̀ anyùùŋ nyaŋ e ɗuunyaàŋ wèè ka kùwà e keì nyìnga.

Jɔ̀ɔŋ 13:30

Wo Juɗà naŋ wa kùwò ke gbɔ̀uɛ̀ yèè wò naŋ fòlò fiò. È yaà wa naàŋ zà e dùùm.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:45

Nààŋ anyuùŋ tùnìàŋ ke Saaŋ Zòòlò Dayàa naŋ kɛ̀ɛ̀ maŋjɛ̀wɛ koɓɛ̀ anyùùŋ nyaŋ naŋ nyiŋ wa tùɔ̀ŋ nyaŋ, aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ nyiŋ dawè nyààŋ, “Wèè kiìŋ niŋ gò hìàŋ wò Jisɛ̀?”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,