Luù 22:5 - WƆŊ FƐ̀Ì EBÒ SÌÀŊ DAYÀA

⁵ Maŋ jii nyiŋ màŋ naŋ wa fɔ̀ wèè aŋ kòmàŋ e nɛ̀ɛŋ wò naŋ nyiŋ woò lɛ, yèè àŋ naŋ jɔ̀ɔ̀ ɗààhiì wèè auŋ kìɛ̀ŋ e nɛɛnɛŋ.

Luù 22:5 ပူးပေါင်းရင်းမြစ်များ

Luù 22:4

Wo Juɗà naŋ kɔ̀ koɓɛ̀ aŋ kànà sìèfèìŋ zòòlo nyàŋ yaà anyuùŋ tùnìàŋ ke Saaŋ Zòòlò Dayàa yèè wò naŋ nyiŋ woò wààŋ wò ɓɛ̀nɛ̀ŋ kìɛ̀ŋ e kpùùmàŋ weè aŋ kùwà wo Jisɛ̀.

Luù 22:6

Wo Juɗà naŋ wa tɔ̀ɔ̀tù e ɗewe kàme wèè wo kìlà wo Jisɛ̀ ko nɛ̀ɛ̀ŋ nyiŋ niìŋ e yèɛ anyùùŋ aŋ naàŋ wa nyìmè lɛ.

Nyɛ̀nɛ̀ŋ 1:18

E nɛɛnɛɛ̀ŋ wo Juɗà naŋ wa kùwò wèè ke kpèè naanààuŋ nɛɛ̀ŋ lɛ, tiiŋ wò naŋ wa dìnìè e dìì. Kuii wò naŋ wa fɔɔyɛ̀. Ke kpùnauŋ nɛɛ̀ŋ naŋ wa mingè, ke suàuŋ nɛɛ̀ŋ ke sɛkɛ̀ yèè e tùuŋ nɛ̀ naŋ fòlò e ɓaayè.

Nyɛ̀nɛ̀ŋ 8:20

Wo Pììlɛ nauŋ woò wààŋ, “Muàŋ yèè e nɛɛnɛŋ mɔ̀ɛ̀ do naŋ jɔ̀ ko jàhamaŋ, sèè mùŋ gongà kɛ̀ màŋ ɓɛ̀nɛ̀ŋ dìnìàŋ e nɛ̀ɛŋ wo Dayà kiɛ̀ŋ lɛ e nɛɛnɛŋ!

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.