Luù 22:37 - WƆŊ FƐ̀Ì EBÒ SÌÀŊ DAYÀA

³⁷ Esaɓù, tɔ̀ miŋ woòiŋ naàŋ kɛ̀ è yaà sìnga niŋ wɔŋ fɛ̀ì Dayàa sùà wààŋ, ‘Àŋ nauŋ wa nyààŋ wo nyuùŋ gò nɔ̀ŋ sàwà dìì’ Tɛɛ̀ àŋ naŋ wa sìngè e nyaàiŋ eim dè, è do nàŋ hɛɛnɛ̀ŋ e teenga kpuu sùà.”

Luù 22:37 ပူးပေါင်းရင်းမြစ်များ

Luù 18:31

Wo Jisɛ̀ naŋ mììnyɛ̀ŋ anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ e ɓula yèè wò naŋ nyiŋ woò wààŋ, “Kùmiaŋ nìim! È yààìŋ kɔ̀ɔ̀yɛ̀ ko Jùlusɛ̀làm ko yèi e yèɛ gbiŋ aŋ wɛ̀ijì nyaŋ naŋ wa sìngè lɛ e nyaàiŋ dè miàim wo Jɔ̀àfèlàà Nyuùŋ Kpùnɔɔ̀ŋ do nàŋ hɛɛnɛ̀ŋ.

Luù 22:22

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè lɛ. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le!”

Luù 22:36

Yèè wo Jisɛ̀ naŋ woò wààŋ, “Kɛɛ tɔ̀ miŋ woòiŋ naàŋ kɛ̀, wo nyùnɔ̀ɔŋ gbiŋ wò kuwià wɔŋ pɔsɛ̀ ɔ̀ɔ̀ wɔŋ ɓuù kàaiŋ wɔ̀ŋ wo koà wuŋ. Wo nyùnɔ̀ɔŋ kuwà è koya fòo wɔ̀, wo maàŋ wɔŋ kotìuŋ nɔɔ̀ŋ wo dènàŋ è guùŋ.

Luù 22:52

Kpeiŋ wo Jisɛ̀ naŋ wòò aŋ kànà sìèfèìŋ zòòlo nyàŋ yèè anyuùŋ tùnìàŋ ke Saaŋ Zòòlò Dayàa yaà aŋ màmànkùmɛ̀ŋ fuɔɔ̀ŋ naŋ wa hnè ko kuwieuŋ nyàŋ wààŋ, “Wèè kiìŋ nìŋ naŋ hìɛ̀ŋ maŋ koya fòo yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀?

Luù 23:32

Anyùùŋ wùà tìyèe nyiiŋ pɛɛ, àŋ naŋ nyiŋ wa kɔɔ̀ wèè aŋ nyiŋ jìwìà wo Jisɛ̀ kɔɔ.

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Jɔ̀ɔŋ 10:35

Èiŋ nyìmàŋ kɛ̀ e yèɛ wɔŋ fɛ̀ì Dayàa naŋ woò lɛ è yaà e tɔ̀ɔ̀nyaàŋ wèè julɔfɔ. Yèè wo Dayà naŋ wa gbòò koɓɛ̀ anyùùŋ nyiiŋ yèè wò naŋ nyiŋ wa nyààŋ aŋ dayà.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”