Luù 22:36 - WƆŊ FƐ̀Ì EBÒ SÌÀŊ DAYÀA

³⁶ Yèè wo Jisɛ̀ naŋ woò wààŋ, “Kɛɛ tɔ̀ miŋ woòiŋ naàŋ kɛ̀, wo nyùnɔ̀ɔŋ gbiŋ wò kuwià wɔŋ pɔsɛ̀ ɔ̀ɔ̀ wɔŋ ɓuù kàaiŋ wɔ̀ŋ wo koà wuŋ. Wo nyùnɔ̀ɔŋ kuwà è koya fòo wɔ̀, wo maàŋ wɔŋ kotìuŋ nɔɔ̀ŋ wo dènàŋ è guùŋ.

Luù 22:36 ပူးပေါင်းရင်းမြစ်များ

Maafiù 10:10

Ɓɔ̀ nìŋ koà wɔ̀ŋ ɓùù nyuùŋ hɔ̀mɔɔŋ è kàaiŋ nɛ̀ sùà, ɓɔ̀ nìŋ koà wɔ̀ŋ kùmà joo, ɓɔ̀ nìŋ koà màŋ ba joo, ɔ̀ɔ̀ kè kuù kàaiŋ. Anyuùŋ tòmo kuwa aŋ yɛ̀mɛ̀ e pààwa nyiŋ nɛ̀ wèè e tòmoɛ̀ àŋ naŋ nyɛ̀nɛ̀ŋ lɛ.

Luù 22:35

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “E teengaà mìŋ naiŋ wa tùɔ̀ŋ maŋ tàta maŋ sùà lɛ, niŋ gò wa kòà wɔ̀ŋ pɔsɛ̀ ɔ̀ɔ̀ wɔ̀ŋ ɓuù kàaiŋ yèè màŋ ba, kɛɛ nìŋ naŋ wa nyɛ̀nɛ̀ŋ e wànàŋ nɛ̀ŋ gbiŋ?” Yèè àŋ naŋ fasàì nyààŋ, “Kpele.”

Luù 22:37

Esaɓù, tɔ̀ miŋ woòiŋ naàŋ kɛ̀ è yaà sìnga niŋ wɔŋ fɛ̀ì Dayàa sùà wààŋ, ‘Àŋ nauŋ wa nyààŋ wo nyuùŋ gò nɔ̀ŋ sàwà dìì’ Tɛɛ̀ àŋ naŋ wa sìngè e nyaàiŋ eim dè, è do nàŋ hɛɛnɛ̀ŋ e teenga kpuu sùà.”

Luù 22:38

Anyùùŋ màŋjɛ̀wɛ̀ nyaŋ naŋ woò nyààŋ, “Kanaà, maŋ kòyà fòò tìyèe mɛɛ̀ŋ kià.” Wo Jisɛ̀ naŋ fasàì wààŋ, “Maŋ mìè gbòa miiŋ dìà kuii.”

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

1Tɛsè 3:4

E teengaà è yààìŋ ko nɛ̀ɛ̀iŋ niìŋ lɛ èiŋ niŋ wa wòo gɔu kɛ̀ àŋ do wi nàŋ mɔɔnɛ̀ŋ, yèè nààŋ nìŋ naŋ nyìmè lɛ tiiŋ nɔŋ naŋ kaaìŋ.

1Pììlɛ 4:1

Wo Jisɛ̀ Kulaì naŋ mɔɔnɛ̀ŋ maŋ kèìŋ maŋ sùà. Weètii sɔɔ̀ nyɛ̀iŋ pɛɛ naŋ banebànè wèè naŋ mɔɔnɛ̀ŋ màànààŋ wò naŋ nyɛ̀nɛ̀ŋ lɛ, e fèfoo e mɔ̀ɔ̀nɛŋ tɔɔ̀ kɛ̀ nàŋ hɔ̀ànè maŋ jùumù nyɛ̀nɛŋ.