Luù 22:32 - WƆŊ FƐ̀Ì EBÒ SÌÀŊ DAYÀA

³² Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Luù 22:32 ပူးပေါင်းရင်းမြစ်များ

Maafiù 18:3

Wò naŋ nyiŋ woò wààŋ, “Tɔɔɓaa sèè mùŋ go kìlà maŋ nɔ̀ŋ mààŋ wò jɔ̀àkàiŋ, muŋ naàŋ wa nàwèè kɔ̀ è Kànà àìjɛnɛ̀ɛŋ sùà.

Maafiù 26:75

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 1:5

Nyɛ̀iŋ nàŋ kànà miìŋ maŋ yè maŋ esàɓù hààwe sùà wo Dayà do miŋ nàŋ yɛ̀mɛ̀ diɛŋ e gaàuŋ nɛ̀ sùà wèè e jòèyeɛ̀ e yèɛ yaà bànèbane niŋ wèè wo dàànè ebò niŋ ke ɗɔɔ dìàmaàŋ diɛŋ lɛ̀.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.