Luù 22:19 - WƆŊ FƐ̀Ì EBÒ SÌÀŊ DAYÀA

¹⁹ Kpeiŋ wo Jisɛ̀ naŋ ɓèmè ke gbɔ̀u, wò naŋ gè wo Dayà ke sɛ̀. Wò naŋ nyiŋ nyime nyìmè nyɛ̀ɛ̀nyɛ̀ɛ̀, yèè wò naŋ nyiŋ kìɛ̀ŋ anyùùŋ màŋjɛ̀wɛ̀uŋ nyàŋ. Wò naŋ woò wààŋ, “Kùwaìŋ nyiŋ niŋ gbìlà, kɛɛ̀ nàŋ yaà ke kpùnaŋ miɛ̀ŋ, ke yèɛ naŋ nɔ̀ŋ kìɛŋ nyiŋ wèè nyɛ̀iŋ. Nyɛ̀nɛìŋ tɛɛ̀ wèè niŋ jààim jii.”

Luù 22:19 ပူးပေါင်းရင်းမြစ်များ

Maafiù 14:19

Yèè wo Jisɛ̀ naŋ wòò anyùùŋ nyaŋ wààŋ aŋ jɛi maŋ dɛɛ màŋ diɛŋ. Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ ko fùùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ aŋ nyùùŋ nyaŋ fèemàŋ. Anyùùŋ màŋjɛ̀wɛ̀uŋ nyàŋ naŋ gòònò e nɛ̀ŋjeɛ̀ anyùùŋ nyaŋ fèemàŋ.

Maafiù 15:36

Yèè wò naŋ ɓèmè e gbɔ̀ù kpùnàŋ nɔɔnɔŋ le tìyèeɛ̀ yèè aŋ kɛ̀ì nyaŋ wò naŋ gè wo Dayà esɛ̀, wò naŋ niŋ nyime nyìmè yèè wò naŋ niŋ fè anyùùŋ màŋjɛ̀wɛ̀uŋ nyàŋ wèè aŋ goonò niŋ anyùùŋ nyaŋ e fèemàŋ. Anyùùŋ màŋjɛ̀wɛ̀ nyaŋ naŋ niŋ gòònò anyùùŋ nyaŋ e fèemàŋ.

Luù 22:17

Kpeiŋ wo Jisɛ̀ naŋ ɓèmè wɔŋ kpòò maŋ tala muaŋ yèè wò naŋ ge wo Dayà sɛ̀. Yèè wò naŋ wòò aŋ keela nyàŋ wààŋ, “Kùwaìŋ maŋ tala muaŋ mɛɛ̀ŋ yèè niŋ goonò miŋ nyɛiŋ bi e fèemàŋ.

Luù 22:20

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Jɔ̀ɔŋ 6:23

Anyùùŋ bà naŋ wa hìɛ̀ŋ maŋ gɔ e yìwìà ko Tàbilià yèè àŋ naŋ hnè koɓɛ̀i e faaàŋ naŋ wa jè e nɛ̀ŋjeɛ̀ lɛ nààŋ wo Kanaà Jisɛ̀ naŋ wa kìɛ̀ŋ ke sɛ̀ gèe koɓɛ̀ Dayài weè niŋ.

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

1 Kɔliìŋ 10:16

Wɔŋ kpòòɔ è tiiyàìŋ maŋ tala muaŋ màŋ sùà sèè è dawàìŋ Dayà wèè wo kpuumàŋ wɔŋ, tii gò tɔɔ̀ kɛ̀ è yààìŋ àŋ bàwibà kè gbòò ànyuùŋ hààwè màŋ sɛ̀ìŋ Jisɛ̀ Kulaì maŋ sùà? E kìlà ke gbɔ̀uɛ̀ è nyìmèìŋ yɛ, sèè è gbìlèìŋ nyiìŋ, kɛ̀ tii gò tɔɔ̀ kɛ̀ è yààìŋ aŋ bàwibà kè kpùnàŋ Jisɛ̀ Kulaìɛ sùà?

1 Kɔliìŋ 10:4

yèè àŋ naŋ tìè e tìà guùŋ nɛ e gààŋ Dayàa sùà. Àŋ naŋ tìè e yìwìà ke dùò e gààŋ Dayàa sùà, yèè ke dùò bi nàŋ yaà wa wo Jisɛ̀ Kulaì wuŋ bi.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 4:25

Wo Hegà naŋ dè bɛ̀ŋ wɔŋ Tòò Sanàa ko Àlàbià, yèè ko jawa gbeeì Jùlusɛ̀làm, yèè wuŋ yaà aŋ jɔ̀àuŋ nyàŋ àŋ yaà e ɗo dìì.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.