Luù 22:16 - WƆŊ FƐ̀Ì EBÒ SÌÀŊ DAYÀA

¹⁶ Miŋ woòiŋ, miŋ naàŋ ɓɛìŋ jè è nɛ̀ŋje lɛɛ̀ bà e jèèsùà ka niŋ wa nàwèè jììyà e Kànà Dayàa sùà.”

Luù 22:16 ပူးပေါင်းရင်းမြစ်များ

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Luù 14:15

Nààŋ wo nyùùnèènyɛiŋ nɔɔ̀ŋ bà guùŋ jaa wa wɔŋ gbɛ̀gbɛ̀ɔ diɛŋ naŋ tɛɛ̀ kòmò, wò naŋ wòò wò Jisɛ̀ wààŋ, “E zɔlɔ̀ do nàŋ nɔ̀ŋ anyùùŋ nyaŋ do nàŋ nɔ̀ŋ wɔŋ ɗaaà diɛŋ nyàŋ e Kànà Dayàa sùà.”

Luù 22:15

Yèè wo Jisɛ̀ naŋ nyiŋ woò wààŋ, “E wànàŋ zimgbe naim nyɛ̀nɛ̀ŋ wèè yàwiiŋ eiŋ jììyà e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛŋ lɛɛ̀ koɓɛ̀ guùŋ pangàà mìŋ kɔ̀à e keì nyìnga dìì.

Luù 22:18

Tɔ̀ miŋ woòiŋ kɛ̀ miŋ naàŋ ɓɛìŋ tìè màŋ tala muaŋ gbiŋ e jèèsùà e Kànà Dayàa e hnàŋ.”

Luù 22:30

Nìŋ do nàŋ jènɛ̀ŋ yèè naŋ tìà wɔŋ gbɛ̀gbɛ̀ miɔ̀ŋ diɛŋ e Kana mɛ̀ sùà. Yèè nìŋ do nàŋ jɛ̀ì maŋ kpùà kana diɛŋ wèè naŋ nɔ̀ŋ aŋ sìèfeìŋ maŋ zìì ɗì zììyà jɛ̀wɛ̀ tìyèe màŋ diɛŋ ko Ezɔ̀ɛ̀.”

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Nyɛ̀nɛ̀ŋ 10:41

Anyùùŋ nyaŋ gbiŋ nààŋ gòuŋ wa yɛmɛ̀. Yàwi nɔŋ nauŋ wa yɛmɛ̀, yàwi yè nyaŋ yèè wuŋ naiŋ wa jììyè nɛ̀ŋje yèè è naiŋ tììyè koɓɛ̀ guùŋ nyaŋ nààŋ wò naŋ wa yèwè e fàaà dìì. Yàwi nàŋ yaà aŋ sèì nyaŋ wo Dayà naŋ wa tàeɗùù wèè e wòò ebòuŋ nɛ̀ koɓɛ̀ anyùùŋ.

Maŋ kèì nyɛɛnɛŋ 19:9

Wo màikàa naim woò wààŋ, “Singà tɛɛ̀. E zɔlɔ̀ yaà anyùùŋ nyaŋ àŋ naŋ nyààŋ koɓɛ̀ wɔŋ ɗàà ke yɛɛ̀ gbìaàŋ e nyaàiŋ dè wo Ɓaawaaà.” Wo màikàa naŋ ɓɛìŋ woò wààŋ, “Maŋ mìè gbòà tɔ̀ɔ̀nyaàŋ maŋ e nyaàiŋ dè wo Dayà.”