Luù 21:8 - WƆŊ FƐ̀Ì EBÒ SÌÀŊ DAYÀA

⁸ Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Luù 21:8 ပူးပေါင်းရင်းမြစ်များ

Maafiù 24:11

Kpeiŋ kɛ̀ aŋ wɛ̀ijì tòa zimgbe do nàŋ hnè yèè àŋ do nàŋ zùwò anyuùŋ zimgbe.

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Luù 17:23

Anyùùŋ bà doo nàŋ nɔ̀ŋ aŋ yè nyaŋ douŋ nàŋ woò nyààŋ, ‘Yɛ̀mɛ̀ kuii!’ ɔ̀ɔ̀, ‘Yɛ̀mɛ̀ kià!’ Kɛɛ ɓɔ̀ nìŋ ka kò kaame niŋ.

Luù 21:7

Aŋ bà nyiŋ naŋ woò nyààŋ, “Wòò wi, Kààmɔɔŋ, e teengaà tɛɛ̀ do nàŋ kaaìŋ lɛ, yèè kiìŋ nàŋ do nàŋ nɔ̀ŋ e tɔ̀ɔ̀màŋseìɛ kɛ̀ e teengaà è haì wèè maŋ keì bi maŋ kaaìŋ?”

Luù 21:9

E tèèngà guùŋ bi, sèè nìŋ komo ebò maŋ gììmè ɗuà sòmaŋ yèè maŋ nyààntààŋ, ɓɔ̀ nìŋ dangè tii doiŋ sɛ̀ɛ̀ jii. Jàaiŋ jii kɛ̀ wo Dayà naŋ woò wààŋ maŋ keì mààŋ miiŋ do nàŋ kaaìŋ. Kɛɛ sèè màŋ kaaìŋ, tii gò tɔɔ̀ kɛ̀ e teengaà gbɛ̀ɛ̀ wèè e ɗuunyaàŋ hàì ko dìa.”

Jɔ̀ɔŋ 5:43

Mìŋ naŋ hnè ɓɔɔɓɔɔ mààŋ wo yèɔ wo Dèda miɔ̀ŋ naŋ tɔ̀ùŋ wɔ wèè ka dè e bɛ̀uŋ, kɛɛ nìŋ naŋ gè maŋhɛɛ wèè naim jàà kùàŋ dìì. Yèè sèè wo nyùùŋ bà wò hnàŋ wo yèɔ gboo e gààŋ wuŋ biɛ̀ sùà wɔ, nìŋ douŋ nàŋ jàà kùàŋ dìì.

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Jɔ̀ɔŋ 8:28

Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

2Tɛsè 2:3

Ɓɔ̀ nìŋ dangè wò nyùùŋ gbiŋ doiŋ zuwò ɗewe gbiŋ sùà. Ke ɗɔɔ yii naàŋ hnè e jèèsùà e keì gànga dìàmaàŋ e kaaìŋ, yèè Wo Nyuùŋ Naanààŋ gàngà dììɔ wo fòlà, wo yèɔ do nàŋ kɔ̀ ko jàhamaŋ wɔ̀.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.

Maŋ kèì nyɛɛnɛŋ 1:3

E zɔlɔ̀ do nàŋ nɔ̀ŋ wo nyùnɔ̀ɔŋ gbiŋ kpɛnɛŋ e mìè sùà ke miè gbìaŋ yɛɛ̀ wɔ, yèè e zɔlɔ̀ do nàŋ nɔ̀ŋ anyùùŋ nyaŋ gbiŋ komo maŋ mìè sùà ke miè gbìaŋ yɛɛ̀, e kìlà aŋ nyiŋ jɔ̀ɔ̀lɔ̀ dìì nyaŋ, esaɓù kɛ̀ e teengaà è gbɛ̀ɛ̀ wèè maŋ keì mɛɛ̀ŋ gbiŋ maŋ kaaìŋ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.