Luù 21:37 - WƆŊ FƐ̀Ì EBÒ SÌÀŊ DAYÀA

³⁷ Wo Jisɛ̀ naŋ wa tòòmò maŋ ɗɔɔ miiŋ ko Saaŋ Zòòlò Dayài wèè anyùùŋ nyaŋ kàa, kɛɛ wɔŋ dùùm gbiŋ wò kɔ̀à wa wo jàwà wɔŋ toòɔ àŋ nyaaŋ wɔŋ tòò maŋ Ɔlè Kùùɔ dìmɛ̀.

Luù 21:37 ပူးပေါင်းရင်းမြစ်များ

Maafiù 21:1

Nààŋ wo Jisɛ̀ yèè anyùùŋ màŋjɛ̀wɛ̀uŋ nyàŋ yaà wa gbɛ̀ɛ sùà ko Jùlusɛ̀làm, e gbɛ̀ɛ̀ ko jawaì àŋ nyaaŋ nyààŋ Bɛfejì, àŋ naŋ hnè koɓɛ̀ wɔŋ tòò maŋ Ɔlè Kùùɔ, kpeiŋ wo Jisɛ̀ naŋ tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Maafiù 21:17

Kpeiŋ wo Jisɛ̀ naŋ nyiŋ jòò yèè wò naŋ fòlò ko jawa gbeeì wo kà Bɛfenè, ko yèi wò naŋ jàwè wɔŋ dùùm wiiŋ.

Maafiù 26:30

Kpeiŋ àŋ naŋ dàà wɔŋ nùŋ guùŋ yèè àŋ naŋ kɔ̀ koɓɛ̀ wɔŋ tòò maŋ Ɔlè Kùùɔ.

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Luù 19:29

Nààŋ wò yaà wa gbɛ̀ɛ̀ sùà maŋ jawa mɛɛ̀ŋ, ko Bɛfejì yaà ko Bɛfenè, àŋ naŋ hnè koɓɛ̀ wɔŋ tolòɔ àŋ nyaaŋ nyààŋ wɔŋ tòò maŋ Ɔlè Kùùɔ, wo Jisɛ̀ naŋ wa tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Luù 19:37

Nààŋ wò naŋ hàì e gbɛ̀ɛ̀ ko Jùlusɛ̀làm, koɓɛ̀i ke dòmaàŋ deye e yìwìà wɔŋ tòò maŋ Ɔlè Kùùɔ dìmɛ̀, ke gbòò gbèè anyùùŋ màŋjɛ̀wɛ̀uŋ nyàŋ yaà wa gììyè zɔlɔ̀ e kìlà àŋ yaà jòòwò Dayà wèè maŋ kèè mèè maŋ gbiŋ àŋ naŋ yɛmɛ̀ maŋ.

Luù 19:47

Wo Jisɛ̀ hewa kàà anyùùŋ nyaŋ ko Saaŋ Zòòlò Dayài ke ɗɔɔ gbiŋ. Aŋ kànà sìèfèìŋ zòòlo nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ e kpùlìà aŋ màmànkùmɛ̀ŋ aŋ Juùù nyaŋ naŋ tɔ̀ɔ̀tù ɗewe kàme wèè aŋ jìwà wo Jisɛ̀.

Luù 22:39

Wo Jisɛ̀ naŋ yèwè ko jawa gbeeì yèè wò naŋ kɔ̀ wɔŋ tòò maŋ Ɔlè Kùùɔ dimɛ̀, màànààŋ nɔŋ wò nyɛnɛŋ wa lɛ̀. Anyùùŋ màŋjɛ̀wɛ̀uŋ nyàŋ nauŋ dè maŋjɛ̀wɛ.

Jɔ̀ɔŋ 12:1

Nààŋ maŋ ɗɔ̀ɔ̀ nɔɔnɔŋ dièguùŋ naŋ wa joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, wo Jisɛ̀ naŋ wa kɛ̀ɛ̀ ko Bɛfenè, ko jàwà Lazɔlɔ̀, wo yèɔ wò naŋ wa gè e fàaà dìì wɔ.

Jɔ̀ɔŋ 18:2

Wo Jisɛ̀ yèè anyùùŋ màŋjɛ̀wɛ̀uŋ nyàŋ heo wa deenè e teenga zimgbe. Wo Juɗà wuŋ pɛɛ zà, wo yèɔ naŋ mààŋ wo Jisɛ̀ wɔ, wa nyìmàŋ koɓɛ̀ bi.

Nyɛ̀nɛ̀ŋ 1:12

Kpeiŋ aŋ keela tàeɗùù nyaŋ naŋ kɛ̀ɛ̀ maŋjɛ̀wɛ ko Jùlusɛ̀làm e yìwìà wɔŋ tòò maŋ Ɔlè Kùùɔ, ko yèi yaà wa e sɔ̀ngɔ̀ e kààìŋ haawà gbu e yìwìà ko Jùlusɛ̀làm, ko jawa gbeeì.