Luù 21:34 - WƆŊ FƐ̀Ì EBÒ SÌÀŊ DAYÀA

³⁴ Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luù 21:34 ပူးပေါင်းရင်းမြစ်များ

Maafiù 13:22

Aŋ bà nyiŋ zà yaà mààŋ manɛ̀ŋ koei màŋ naŋ sɔ̀ɔ̀ maŋ dɛiŋ màŋ sùà lɛ, nyɛɛ̀ŋ nàŋ yaà aŋ yè nyaŋ àŋ komo ke mìè Dayàa. Kɛɛ maŋ haamiŋ màŋ wɔŋ nyiiŋ gèe wɛɛ̀ŋ sùà, yaà manɛ̀ŋ maŋ zuwà nyùùŋ e nyaàiŋ dè e kèì maŋ bàne màŋ, e kpùlìà e wànàŋ manɛ̀ŋ gɛ̀wɛɛ̀ maŋ gbiŋ nɔ̀ŋ maŋ jii nyiŋ màŋ diɛŋ, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà nàaŋ ɔ̀ɔ̀ julɔfɔ.

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Luù 12:40

Weètii, nyɛ̀iŋ pɛɛ nɔ̀iŋ e bànèbaneiŋ, esaɓù kɛ̀ niŋ nyimààŋ è teengaà miàim wo Jɔ̀àfèlàà Nyuùŋ Kpùnɔɔ̀ŋ do nàŋ hnè lɛ.”

Luù 17:3

Weètii, yɛ̀mɛìŋ nyɛ̀iŋ bi diɛŋ. “Sèè wo wùìya mɔɔ̀ŋ nyɛnɛŋ maŋ kèì jùumù, gbùùyaàuŋ, yèè sèè wò fè maŋ jùumù bi jɛwɛ, jùùyaàuŋ hakɛ̀.

Luù 21:35

mààŋ ke gbaù naŋ kùwò wo yilì. Esaɓù kɛ̀ ke ɗɔɔ bi do nàŋ gbùwò anyùùŋ nyaŋ diɛŋ e dììɛ gbiŋ diɛŋ e fòòno nyiŋ sùà.

Luù 21:8

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Luù 8:14

Manɛ̀ŋ koei màŋ naŋ sɔ̀ɔ̀ maŋ dɛ̀ɛ̀ maŋ dɛiŋ màŋ sùà maŋ, nàŋ yaà anyùùŋ nyaŋ komo ke mìè gbìàŋ Dayàa nyàŋ. Kɛɛ àŋ sɛɛ̀ jii wèè manɛ̀ŋ maŋ e ɗuunyaàŋ, yèè àŋ kamàŋ ɗewe wèè aŋ banè, e kìlà aŋ jìkà manɛ̀ŋ maŋ kiɛ̀ŋ nyiìŋ nyɛɛnkɛŋ wɔŋ nyiiŋ gèe wɛɛ̀ŋ sùà, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà.

1 Kɔliìŋ 5:11

Kɛɛ e nɛ̀ɛŋ mìŋ yaà wòo sùà lɛ nàŋ yaà kɛ̀, wo nyùnɔ̀ɔŋ naŋ nyààŋ wuŋ bi wo wùìya, è hààweɛ̀ sùà wɔ, kɛɛ wò yaà maŋ kpèè nàànààŋ hmɔŋtu sùà, ɔ̀ɔ̀ wò yaà e kèè nɛ̀ŋje ɔ̀ɔ̀ wò zoolà maŋ gòò, ɔ̀ɔ̀ wò yaà nyuùŋ nàànààŋ ko nyààŋ, ɔ̀ɔ̀ wo nyuùŋ tìà maŋ mùàŋ, ɔ̀ɔ̀ wò wuo, nyɛ̀iŋ nyùùŋ mààŋ wii ɓɔ̀ nìŋ mɔɔnɔ̀ŋ yèè ɓɔ̀ nìŋ jiiyà è nɛ̀ŋje kòɓɛ̀ guùŋ.

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

Gàla 5:20

aŋ dàyà joo yèè anyùùŋ sɛɛ̀ŋ zòòlo, è nyɛ̀nɛ̀ŋ anyùùŋ aŋ wùònò fèemàŋ e kìlà aŋ sòmàŋ, aŋ nɔ̀ŋ e koo, e wùàŋ, yèè aŋ nɔ̀ŋ e gòngò nyiŋ biɛ̀ sùà. E kìlà àŋ hiàŋ e fèemàŋ gòòno maŋ dèène yèè maŋ gbòò sùà.

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

2Pììlɛ 3:10

Kɛɛ ke ɗɔ̀ɔ̀ Kanaà do nàŋ hnè mààŋ e ɗeweɛ̀ wo nyuùŋ wùa hnàŋ lɛ. Ke ɗɔɔ bi diɛŋ maŋ àìjɛnɛ̀ŋ maŋ do nàŋ jɔɔnɔ̀ŋ e giimè gbee sùà kpeiŋ manɛ̀ŋ sìàŋ sìàŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, e kìlà e nɛ̀ŋ gbiŋ naŋ nɔ̀ŋ e dììɛ diɛŋ e jɔɔnɔ̀ŋ.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.