Luù 21:25 - WƆŊ FƐ̀Ì EBÒ SÌÀŊ DAYÀA

²⁵ “E tɔ̀ɔ̀màŋsèì maŋ kèè mèè do nàŋ kààìŋ e gɔɛɛ̀, wɔŋ wààa, yèè maŋ ɗu màŋ. E jùù do nàŋ nyɛ̀nɛ̀ŋ anyuùŋ kpùuŋ nyàŋ gbiŋ e dììɛ diɛŋ sèè àŋ yɛmɛ̀ wɔŋ juwoɔ̀ wɔ̀ŋ nɔ̀ŋ ɓuluno ɓuluno e kìlà e bɔiŋ nɛ̀ jowo, yèè aŋ naàŋ nyìmè kɛ̀ kiìŋ àŋ do nàŋ nyɛ̀nɛ̀ŋ.

Luù 21:25 ပူးပေါင်းရင်းမြစ်များ

Maafiù 24:29

Wo Jisɛ̀ naŋ ɓɛìŋ woò wààŋ, “Kɛɛ maŋ ɗɔɔ miiŋ sùà, eɓìèmànjɛ̀wɛ̀ maŋ keì nyìnga miiŋ, e gɔɛɛ̀ do naŋ kùwò ke nyìwì yèè wɔŋ wààa naàŋ ɓɛìŋ dè. Maŋ ɗu màŋ do nàŋ sɔ̀ɔ̀ e yìwìà ke nyiliɛ̀, yèè manɛ̀ŋ gààŋ maŋ ko àìjɛnɛ̀ŋ do nàŋ mɛɛmɛ̀ɛ̀ŋ e yìwìà ko jɛ̀i miŋ niìŋ.

Maafiù 27:45

E gɔɛɛ hàì ɗìò tɛɛ, e dììɛ wɔŋ fuɔɔ̀ŋ gbiŋ naŋ wa kùwò nyìwì. Ke nyìwìɛ nao wa nɔ̀ŋ wèè e hààwà taai.

Luù 21:24

Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.

Luù 21:26

E jùù do nàŋ nyɛ̀nɛ̀ŋ anyùùŋ aŋ fengèè sèè àŋ yɛmɛ̀ maŋ keì maŋ yaà kaaiŋ màŋ e ɗuunyaàŋ gbiŋ diɛŋ. Manɛ̀ŋ gààŋ maŋ ke nyiliɛ̀ do nàŋ mɛɛmɛ̀ɛ̀ŋ e yìwìà ko jɛ̀i miŋ niìŋ.

Nyɛ̀nɛ̀ŋ 2:19

Mìŋ do nàŋ tɔ̀ɔ̀ maŋ kèè mèè gbeegbèè ke nyiliɛ̀ e kìlà ka tɔ̀ɔ̀ maŋ tɔ̀ɔ̀màŋsèì maŋ keì e dììɛ diɛŋ e ɗuunyaàŋ. Nìŋ do nàŋ yɛ̀mɛ̀ maŋ sɛ̀ìŋ, e hmɔ̀ɔ̀ŋ, yèè ke komò gènaŋ.

Maŋ kèì nyɛɛnɛŋ 20:11

Mìŋ naŋ yɛ̀mɛ̀ ke kpùà kana fua gbee yèè wo nyùnɔ̀ɔŋ jàa nyìŋ diɛŋ wɔ̀. E dììɛ yaà ko àìjɛnɛ̀ŋ nauŋ wa jɔ̀ɔ̀nɔ̀ŋ ko fɛɛ̀feìŋ yèè wo nyùùŋ gbiŋ gò miŋ wa ɓɛìŋ yɛmɛ̀.