Luù 21:17 - WƆŊ FƐ̀Ì EBÒ SÌÀŊ DAYÀA

¹⁷ Aŋ nyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀.

Luù 21:17 ပူးပေါင်းရင်းမြစ်များ

Maafiù 10:22

Anyùùŋ nyaŋ gbiŋ doiŋ nàŋ wùɔ̀ŋ esàɓù e deè mɛ̀. Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Luù 21:16

Anyuùŋ kòmaiŋ nyàŋ, aŋ wùìyaiŋ nyàŋ, e hààwè anyuùŋ mɔ̀ɔ̀nɔiŋ nyàŋ doiŋ nàŋ maàŋ. E kìlà àŋ do nàŋ jìwè nyɛ̀iŋ nààŋ bà nyiŋ.

Luù 21:18

Kɛɛ ke ɗì dùùm kpèè guùŋ pɛɛ maŋ ɗìiŋ màŋ ke naàŋ go.

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 15:19

Sèè nìŋ nɔ̀ŋ mààŋ anyùùŋ nyaŋ e ɗuunyaàŋ, kɛ̀ àŋ doiŋ nàŋ mɔ̀nɔ̀ŋ màànààŋ nɔŋ àŋ manaŋ aŋ jɔ̀à nyiŋ nyàŋ lɛ. Kɛɛ miàŋ naiŋ wa tàeɗùù e yìwìà anyùùŋ nyaŋ tɛɛ e ɗuunyaŋ lɛɛ̀ sùà, wèè kɛ̀ niŋ go nàŋ nɔ̀ŋ mààŋ anyùùŋ nyaŋ e ɗuunyaŋ lɛɛ̀. Yèè nààŋ niŋ fè àŋ bà nyiŋ bà, esaɓùɛ lɛɛ̀ àŋ naiŋ wùɔ̀ŋ.

Jɔ̀ɔŋ 15:21

Anyùùŋ doiŋ nàŋ nyìnìè e kèì guùŋ nɛ àŋ naim nyiniè lɛ. Àŋ doiŋ niŋ nàŋ nyiniè esaɓù kɛ̀ nìŋ yaà aŋ bàimbà, e fèfoo aŋ nyimààŋ kɛ̀ ɓòò naim tùɔ̀ŋ.

Jɔ̀ɔŋ 17:14

Mìŋ naŋ nyiŋ wòò e yèɛ mùŋ naim wa woò wèè ka nyiŋ woò lɛ. Kɛɛ anyùùŋ nyaŋ e ɗuunyaŋ lɛɛ̀ naŋ nyiŋ wùɔ̀ŋ, esaɓù kɛ̀ aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 7:7

Anyùùŋ nyaŋ e ɗuunyaàŋ kuwà èsaɓù bà wèè aiŋ wùàŋ. Kɛɛ àŋ naim wùɔ̀ŋ esaɓù kɛ̀, mìŋ woà nyiìŋ kɛ̀ maŋ keì nyɛ̀nɛŋ nyiŋ màŋ maŋ fè tɛ̀ɛ̀.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

2 Kɔliìŋ 12:10

Hɛ̀ɛɛ̀ŋ, ke jii maim fɔ̀ wèè ka yɔkpɔ̀ ɔ̀ɔ̀ aim pɔ̀ɔ̀ɓɛ̀ɛ ɔ̀ɔ̀ aim kùwà naanààŋ ɔ̀ɔ̀ ka kùwìè maŋ keì nyìnga yèè ka mɔɔnɛ̀ŋ, sèè è nɔ̀ŋ nɔŋ e wèè Jisɛ̀ Kulaì. E fèfoo sèè mìŋ yɔkpɔ̀ kpeiŋ, kɛ̀ kà kùwìè e gààŋ.

2 Kɔliìŋ 4:11

Wɔŋ nyiiŋ gè wiɔ̀ gbiŋ sùà è sìàìŋ e kèì nyìngà fàa fɛɛ̀feìŋ esàɓù Jisɛ̀ɛ sùà e wèè kɛ̀ aŋ yɛmɛ̀ wɔŋ nyiiuŋ nɔɔ̀ŋ maŋ kpùnaŋ wi màŋ sùà.

2 Kɔliìŋ 4:5

E fè wòò è kèè yàwi bi, è yààìŋ wòò e kèè Jisɛ̀ Kulaì mààŋ wo Kana, yèè e wèè yàwi, mààŋ aŋ ɓɔìjɔ̀àiŋ nyàŋ esàɓù Jisɛ̀ Kulaì sùà.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

1Pììlɛ 4:14

Sèè aiŋ diɛ̀ŋ esaɓù kɛ̀ nìŋ yaà anyùùŋ màŋjɛ̀wɛ̀ Jisɛ̀ Kulaì wo Dayà doiŋ nàŋ kpuumò. Tɛɛ̀ naŋ tɔɔ̀ kɛ̀ wo Jinàŋ kùwìè jòòwo gbeeɔ̀, tèènè mààŋ wò Jìnàŋ Dayàa, wò yààìŋ maŋjɛ̀wɛ.

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.