Luù 20:46 - WƆŊ FƐ̀Ì EBÒ SÌÀŊ DAYÀA

⁴⁶ “Yɛ̀mɛìŋ nyɛiŋ bi diɛŋ e nyaàiŋ dè aŋ kààmɔ̀ɔ̀ŋ maŋ Sàwà Dayà nyaŋ. Àŋ manaŋ emààmè maŋ ɓuuɓane kùmà mùnlòmunlo sùà, e kìlà àŋ manaŋ wèè aŋ nyiŋ zuumò e kìlà wèè aŋ nyiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ. Àŋ jaà maŋ jɛ̀i kɛnɛ màŋ àŋ naŋ jàà e ɓula titi màŋ maŋ sààŋ zòòlò aŋ Juùù nyaŋ dìì, yaà maŋ jɛ̀i kɛnɛ màŋ maŋ ɗaa gèe màŋ diɛŋ.

Luù 20:46 ပူးပေါင်းရင်းမြစ်များ

Maafiù 16:6

Wo Jisɛ̀ naŋ nyiŋ fè e gòo wààŋ, “Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yaà e sòi jùwìà e gbɔ̀ù aŋ Sadusiì nyaŋ.”

Maafiù 23:1

Kpeiŋ wo Jisɛ̀ naŋ gbòò koɓɛ̀ anyùùŋ nyaŋ yaà anyùùŋ màŋjɛ̀wɛ̀uŋ nyàŋ wààŋ,

Luù 11:43

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ Fɛlosiì nyaŋ! Nìŋ manaŋ maŋ jɛ̀i kɛnɛ màŋ àŋ naŋ jàà e ɓula titi màŋ maŋ sààŋ zòòlò aŋ Juùù nyaŋ dìì e kìlà wèè aiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ.

Luù 12:1

Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 14:7

Nààŋ wo Jisɛ̀ naŋ yɛ̀mɛ̀ e ɗeweɛ̀ aŋ nyùùnèènyɛiŋ nyàŋ yaà wa ɓèmè sùà maŋ jɛ̀i kɛnɛ màŋ lɛ, wò naŋ wòò aŋ gbiŋ ke kàɓanè yɛɛ̀ wààŋ,

Luù 20:47

Àŋ nyinìàŋ aŋ jɔ̀ùŋnèèdàà nyaŋ kàaɓì yèè aŋ nyiŋ gè maŋ tùlìè jii nyiŋ màŋ sìwè maŋ gboo nyiŋ màŋ sùà. Àŋ manaŋ kèè nyiŋ bi tɔ̀ɔ yèè maŋ zòòlo nyiŋ màŋ mùŋloe jèì. Anyùùŋ mààŋ nyiiŋ do wa nàwèè nàŋ kùwò e nimilà nyìnga e mààŋ nyààŋ!”

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

2Time 4:15

Yɛ̀mɛ̀ muàŋ bi diɛŋ e weèuŋ, e fèfoo wò naŋ gììyè ke mìè gbìaàŋ maŋhɛɛ e waasu sùà.

3Jɔ̀ɔŋ 1:9

Mìŋ naŋ sìngè wɔŋ fɛi kpuu koɓɛ̀ ke gbòò anyuùŋ hààwe nyàŋ, kɛɛ wo Dìɔ̀tifɔ̀, wo yèɔ manaŋ wo nɔ̀ŋ sìèfeìŋ wɔ, wo nààŋ kùmìè e yèɛ mìŋ naŋ woò lɛ.