Luù 20:36 - WƆŊ FƐ̀Ì EBÒ SÌÀŊ DAYÀA

³⁶ Àŋ do nàŋ nɔ̀ŋ mààŋ aŋ màikà nyaŋ yèè aŋ fè ɓɛ̀nɛ̀ŋ fàa. Nyiŋ nàŋ yaà aŋ jɔ̀à Dayà nyaŋ, esaɓù kɛ̀ àŋ yèwà e fàaà dìì.

Luù 20:36 ပူးပေါင်းရင်းမြစ်များ

Maafiù 22:30

Sèè anyuùŋ fàa nyàŋ gbiŋ wa nàwèè yèwà dìì wɔŋ nyiiŋ gèeo sùà, àŋ do nàŋ nɔ̀ŋ mààŋ aŋ màikà nyaŋ ko àìjɛnɛ̀ŋ, e kèè ke yɛɛ̀ gbìaŋ fòo.

Luùm 8:16

Wo Jìnàŋ Nɛɛmaàŋ toomàŋ aŋ jinàŋ wi nyàŋ kùàŋ sùà wèè wo woò wààŋ è yààìŋ aŋ jɔ̀à Dayà.

1 Kɔliìŋ 15:26

Wo joo dìàmaàŋ wèè wo Dayà ɓùlà nàŋ yaà e fàa.

1 Kɔliìŋ 15:42

Yɛi è do nàŋ nɔ̀ŋ sèè anyuùŋ fàa nyàŋ folo e fàa dìì wɔŋ nyiiŋ gèeɔ̀ sùà. Sèè àŋ sie ke kpùnaàŋ kè yaà e fà nyiŋ, sèè wo Dayà gè nyiìŋ e fàaà dìì, ke fè ɓɛìŋ fà julɔfɔ.

1 Kɔliìŋ 15:49

Nààŋ nɔŋ è naiŋ tèènè wo nyùnɔ̀ɔŋ àŋ naŋ bàànè e dìì wɔ, yɛi è doiŋ nàŋ tèènè wo nyùnɔ̀ɔŋ naŋ fòlò ko àìjɛnɛ̀uŋ wɔ.

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

Maŋ kèì nyɛɛnɛŋ 20:6

E zɔlɔ̀ yaà e kpùùmaŋ gbee è yaà anyuùŋ jiɛ̀jiɛ̀ nyaŋ nàŋ wa yèwè e fàaà dìì wɔŋ nyiiŋ gèeɔ̀ sùà nyaŋ. E fàa dìà tìyèeɛ̀ kuwà è gààŋ kò diɛŋ nyiŋ. Àŋ do nàŋ nɔ̀ŋ aŋ sìèfèìŋ zòòlo yèè anyùùŋ nɛɛmaŋ wèè Dayà yaà wo Jisɛ̀ Kulaì, e kìlà àŋ do nàŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.

Maŋ kèì nyɛɛnɛŋ 21:4

Wo Dayà do nyiŋ nàŋ hààngè maŋ fɛɛ̀màì maŋ fɛ̀ɛ̀. Wo nyùùŋ gbiŋ naàŋ ɓɛìŋ fɔ̀, wo nyùùŋ gbiŋ naàŋ ɓɛìŋ kɛ̀ɛ̀nɛ̀ŋ kè jii mɔ̀ɔ̀nɛŋ ɔ̀ɔ̀ wo gòlà ɔ̀ɔ̀ wo kɛ̀ɛ̀nɛ̀ŋ è sàaŋ è kɔɔuŋ nɛ̀ sùà. Maŋ keì gɔu mɛɛ̀ŋ gbiŋ màŋ naàŋ mààŋ.”

Maŋ kèì nyɛɛnɛŋ 22:9

Kɛɛ wò naim woò wààŋ, “Kpele, ɓɔ̀ mùŋ dè màŋ gɛ̀ɛ̀nìum màŋ dììnaŋ è weèim! Mìŋ yaà nɔŋ wo ɓɔìjɔ̀à mààŋ muàŋ bi e kpùlìà aŋ wùìya gbànaŋ nyàŋ, aŋ wɛ̀ijì nyaŋ yaà aŋ yè nyaŋ gbiŋ jɔɔlɔ̀ maŋ mìè gboa màŋ dìì wɔŋ fɛi wɛɛ̀ŋ sùà nyaŋ. Zòòloò nɔŋ wo Dayà wuŋ guùŋ.”