Luù 20:22 - WƆŊ FƐ̀Ì EBÒ SÌÀŊ DAYÀA

²² Wòò wi, ke sàwà naŋ wi gè nyààŋ diɛŋ wèè eiŋ pààwà e nɛ̀ɛ̀nɛ̀ŋ fuɔŋ koɓɛ̀ Siisɔ̀i, wo Kànà Fùɔ̀ŋ anyùùŋ Luùm nyaŋ ɔ̀ɔ̀ ɓɔ̀ è paawàiŋ nìŋ?”

Luù 20:22 ပူးပေါင်းရင်းမြစ်များ

Maafiù 17:25

Wo Pììlɛ naŋ nyiŋ fasàì wààŋ, “Hɛ̀ɛɛ̀ŋ, wò paawà nìŋ.” E teengaà wo Pììlɛ naŋ jɔ̀ ko saaìŋ lɛ, wò Jisɛ̀ nauŋ dawè wààŋ, “Saimɔ̀ŋ, kiìŋ nàŋ yaà e gòngo mɔ̀ɛ̀? Aŋ kànà ɗuunyaŋ lɛɛ̀ gè e nɛ̀ɛ̀nɛ̀ŋ fuɔŋ anyùùŋ nyiŋ bi nyàŋ sìwè, ɔ̀ɔ̀ àŋ gè nìŋ anyùùŋ fuɔŋ joo sìwè?”

Luù 20:21

Anyùùŋ kàaɓì nyɛɛ̀ŋ naŋ dàwè wo Jisɛ̀ nyààŋ, “Kààmɔɔŋ, è nyìmàŋ kɛ̀ e nɛ̀ɛŋ mùŋ woà yèè mùŋ kaà lɛ è yaà tɔ̀ɔ̀nyaàŋ. Muŋ fè dùàŋ è gòngò kìì nyuùŋkpùuŋ, mùŋ woà ke mìè Dayàa e tɔ̀ɔ̀nyaàŋ diɛŋ.

Luù 20:23

Kɛɛ wo Jisɛ̀ wa nyìmàŋ e kàaɓì nyiŋ nɛ̀ tɛ, yèè wò naŋ nyiŋ woò wààŋ,

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Nyɛ̀nɛ̀ŋ 5:37

Eɓìèmàŋjɛ̀wɛ̀ tii, wo Juɗà, wo nyùùŋ fùɔ̀ŋ Galaliìɔ naŋ hnè e tèèngà anyuùŋ kpɛ̀nɛŋ nyàŋ. Wò naŋ wa ɓèmè wuŋ bi wo nyùùŋ gààŋ gbee wèè auŋ tùlìà jii. Anyuùŋ zimgbe nauŋ wa dè maŋjɛ̀wɛ, kɛɛ wuŋ pɛɛ àŋ nauŋ wa jìwè, yèè anyùùŋ màŋjɛ̀wɛ̀uŋ nyàŋ gbiŋ naŋ ɓaayè.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.