Luù 20:21 - WƆŊ FƐ̀Ì EBÒ SÌÀŊ DAYÀA

²¹ Anyùùŋ kàaɓì nyɛɛ̀ŋ naŋ dàwè wo Jisɛ̀ nyààŋ, “Kààmɔɔŋ, è nyìmàŋ kɛ̀ e nɛ̀ɛŋ mùŋ woà yèè mùŋ kaà lɛ è yaà tɔ̀ɔ̀nyaàŋ. Muŋ fè dùàŋ è gòngò kìì nyuùŋkpùuŋ, mùŋ woà ke mìè Dayàa e tɔ̀ɔ̀nyaàŋ diɛŋ.

Luù 20:21 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Luù 20:20

Kpeiŋ aŋ jòò Jisɛ̀ nyɛɛ̀ŋ nauŋ tɔ̀ɔ̀tù tùàŋ maŋ nɔnɔŋ sɔ̀pɛsɔ̀pɛ, esaɓù kɛ̀ àŋ manaŋ wa auŋ kìlà koɓɛ̀ anyùùŋ gbèègbèè fùɔ̀ŋ Luùm nyaŋ. Kpeiŋ àŋ naŋ kìɛ̀ŋ aŋ felaa bà ke gòò dùùm wèè aŋ tɔɔ̀ nyiŋ bi kɛ̀ àŋ yaà anyùùŋ tɔ̀ɔ̀nyaàŋ, yèè àŋ naŋ nyiŋ tùɔ̀ŋ koɓɛ̀ Jisɛ̀i wèè aŋ kuwiàuŋ maŋ mààŋdàwè sùà wèè wo woò e keì naanààŋ.

Luù 20:22

Wòò wi, ke sàwà naŋ wi gè nyààŋ diɛŋ wèè eiŋ pààwà e nɛ̀ɛ̀nɛ̀ŋ fuɔŋ koɓɛ̀ Siisɔ̀i, wo Kànà Fùɔ̀ŋ anyùùŋ Luùm nyaŋ ɔ̀ɔ̀ ɓɔ̀ è paawàiŋ nìŋ?”

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.