Luù 20:1 - WƆŊ FƐ̀Ì EBÒ SÌÀŊ DAYÀA

¹ Ke ɗɔ̀ɔ̀ guùŋ wo Jisɛ̀ yaà wa kaa ko Saaŋ Zòòlò Dayài yèè wò yaà wòò Ebò Siaàŋ koɓɛ̀ anyùùŋ nyaŋ. Aŋ kànà sìèfèìŋ zòòlo nyàŋ, aŋ kààmɔ̀ɔ̀ŋ maŋ Sàwà Dayà nyaŋ, yaà aŋ màmànkùmɛ̀ŋ fuɔɔ̀ŋ naŋ hnè

Luù 20:1 ပူးပေါင်းရင်းမြစ်များ

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Luù 20:2

auŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Luù 8:1

Eɓìèmàŋjɛ̀wɛ̀ tɛɛ̀, wo Jisɛ̀ yaà anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ naŋ kìlìè maŋ jawa yèè maŋ vàa màŋ gbiŋ sùà, wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa.

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Nyɛ̀nɛ̀ŋ 4:1

E teengaà wo Pììlɛ yaà wo Jɔ̀ɔŋ yaà wa nɔŋ gbùùyè koɓɛ̀ anyùùŋ lɛ, aŋ sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke Saaŋ Zòòlò Dayà e kpùlìà aŋ Sadusiì nyaŋ bà nao hnè.

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.