Luù 2:9 - WƆŊ FƐ̀Ì EBÒ SÌÀŊ DAYÀA

⁹ Ko fɛɛ̀feìŋ wo màìkà Kanaà naŋ dèyè ko nɛ̀ɛ̀ŋ nyiŋ niìŋ, yèè e gbòlòùŋ mɛ̀ɛ̀ŋ Kanaà naŋ nyiŋ dè e nyiŋ gbàì e kɔɔ. E jùù naŋ wa nyɛ̀nɛ̀ŋ anyuùŋ tùnìàŋ aŋ ɓaawaa nyàŋ.

Luù 2:9 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Luù 1:28

Wo màikàa naŋ zùùmò wo Mèèle wààŋ, “Tɔɔɓaa e zòòlo yààùm maŋjɛ̀wɛ! E kìlà wo Kanaà Dayà wòum jàà kùàŋ dìì.”

Luù 2:8

Anyuùŋ tùnìàŋ ɓaawaa bà yaà wa wɔŋ fuɔɔ̀ŋ fàà wiiŋ ke fòùngà e diì wòaà diɛŋ ko yɛ̀ɛ̀mɛ̀ ke gbòò aŋ ɓaawaa nyiŋ nyàŋ diɛŋ.

Luù 24:4

Àŋ naŋ wa sìè koɓɛ̀ wii maŋ jii die sùà, ko fɛɛ̀feìŋ àŋ naŋ yɛ̀mɛ̀ aŋ fèlàà tìyèe àŋ gɔaa maŋ deè fùà pepe àŋ naŋ nyiŋ sìè kɔɔ.

Jɔ̀ɔŋ 12:41

Wo Àzaayà naŋ wa tɛɛ̀ woò esaɓù kɛ̀ wò naŋ wa yɛ̀mɛ̀ e jòòwò kìì Jisɛ̀ɛ yèè wò naŋ wòò e kiiuŋ.

Nyɛ̀nɛ̀ŋ 12:7

Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

Hiɓu 12:21

E nɛ̀ɛŋ naŋ wa kààìŋ wɔŋ Tòò Sanàa dìmɛ̀ lɛ, naŋ nyìnìè anyùùŋ nyaŋ jùù, yèè wo Mòòze naŋ woò wààŋ, “E jùùɛ yààìm , yèè è naŋ nyɛ̀nɛ̀ŋ e kɔɔ mɛ̀ jele kpàkpà.”

Maŋ kèì nyɛɛnɛŋ 18:1

Eɓìèmàŋjɛ̀wɛ̀ tɛɛ̀, mìŋ naŋ ɓɛìŋ yɛ̀mɛ̀ wo màikà joo bà wò yaà dèya sùà e yìwìà ko àìjɛnɛ̀ŋ. Wò kuwa wa e gaàŋ gbee, yèè e mɛ̀iŋ kiiuŋ nɛ̀ naŋ wa gbàì e dììɛ gbiŋ diɛŋ gbòlòùŋ.

Maŋ kèì nyɛɛnɛŋ 20:11

Mìŋ naŋ yɛ̀mɛ̀ ke kpùà kana fua gbee yèè wo nyùnɔ̀ɔŋ jàa nyìŋ diɛŋ wɔ̀. E dììɛ yaà ko àìjɛnɛ̀ŋ nauŋ wa jɔ̀ɔ̀nɔ̀ŋ ko fɛɛ̀feìŋ yèè wo nyùùŋ gbiŋ gò miŋ wa ɓɛìŋ yɛmɛ̀.