Luù 2:51 - WƆŊ FƐ̀Ì EBÒ SÌÀŊ DAYÀA

⁵¹ Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Luù 2:51 ပူးပေါင်းရင်းမြစ်များ

Maafiù 12:46

Nààŋ wo Jisɛ̀ yaà wa nɔŋ gbùùyè koɓɛ̀ anyùùŋ nyaŋ, wo yèyeuŋ nɔɔ̀ŋ yaà aŋ wùìyauŋ nyàŋ naŋ wa hnè. Àŋ naŋ sìè ko saaŋ fenìiŋ yèè àŋ naŋ tùɔ̀ŋ ke mìè wèè wo hnàŋ aŋ gbòàuŋ kɔɔ.

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Luù 18:37

Yèè anyùùŋ nyaŋ naŋ woò nyààŋ, “Wo Jisɛ̀ e yìwìà ko Naazɔ̀ɛ̀ nàŋ yaà màaŋ sùà.”

Luù 2:19

Kɛɛ wo Mèèle naŋ wa jàà maŋ keì mɛɛ̀ŋ gbiŋ jii yèè wò naŋ miŋ nɔ̀ŋ goongo kɛ̀ kiìŋ maŋ mìè gbòa mɛɛ̀ŋ naŋ fasàì.

Luù 2:39

Nààŋ àŋ naŋ wa kpɛ̀ɛ̀yɛ̀ nyɛ̀nɛ̀ŋ e langiɛ̀ ke Sàwà Kanaà naŋ woò lɛ, àŋ naŋ kɛ̀ɛ̀ maŋjɛ̀wɛ ko Galaliì, ko jawa nyiŋ niìŋ Naazɔ̀ɛ̀.

Luù 4:16

Wo Jisɛ̀ naŋ kɔ̀ ko Naazɔ̀ɛ̀, ko jawaì wò naŋ wa dɛɛkɛ̀ lɛ. Ke Ɗɔ̀ɔ̀ Zòòlò aŋ Juùù nyaŋ diɛŋ wò naŋ kɔ̀ ko sààŋ zòòlò aŋ Juùù nyaŋ. Wò naŋ wa sie wèè wo kpɛ̀nɛ̀ŋ wɔŋ fɛ̀ì Dayàa ko nɛ̀ɛ̀ŋ nyiŋ niìŋ,

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Ɛfesɔ̀ 5:21

Jɔ̀ɔ̀lɔìŋ aŋ dàwiiŋ nyàŋ dìì esàɓù e dùàŋ Jisɛ̀ Kulaìɛ sùà.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.