Luù 2:49 - WƆŊ FƐ̀Ì EBÒ SÌÀŊ DAYÀA

⁴⁹ Wo Jisɛ̀ naŋ nyiŋ fasàì wààŋ, “Wèè kiìŋ nìŋ yààìm kaame? Niŋ nyimààŋ kɛ̀ mìŋ kuwa ka nɔ̀ŋ kò sààŋ Dèda miɔ̀ŋ?”

Luù 2:49 ပူးပေါင်းရင်းမြစ်များ

Maafiù 21:12

Wò Jisɛ̀ naŋ kɔ̀ ko jɔ̀ɔ̀lègbèè ko Saaŋ Zòòlò Dayài yèè wò naŋ nyìmè anyuùŋ mààŋ bòli nyàŋ yaà anyuùŋ dènàŋ bòli nyàŋ ke saàŋ dìì. Wò naŋ gɔ̀àì maŋ gbɛ̀gbɛ̀ anyuùŋ vɔ̀ɔ̀nɔ̀ŋ nɛɛnɛŋ nyàŋ e kpùlìà maŋ jɛ̀ì anyuùŋ mààŋ poopoò nyaŋ.

Luù 2:48

È naŋ wa fòònò anyuùŋ kòmauŋ nyàŋ nààŋ àŋ nauŋ wa yɛmɛ̀, yèè wo nààŋ nauŋ dawè wààŋ, “Jɔ̀à wɛɛ̀, wèè kiìŋ mùŋ naŋ wi yɛi nyɛ̀nɛ̀ŋ? Wo dèdaum yèè miàŋ è yaà ke jii sɛ̀ɛ gbee sùà e ɗɔ̀ɔ̀ tìyèeɛ̀ ko kaameum.”

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Jɔ̀ɔŋ 8:29

Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.