Luù 2:37 - WƆŊ FƐ̀Ì EBÒ SÌÀŊ DAYÀA

³⁷ Kɛɛ wò yaà wa naàŋ maŋ doa kpɛ̀ùŋ tiinàŋ jɛ̀wɛ̀ tiinàŋ. E dùùm yèè maŋ gɔɛɛ wò hewa jòò ko Saaŋ Zòòlò Dayài wò yaà zòòlò Dayà wò kuwo ke tɔùŋ.

Luù 2:37 ပူးပေါင်းရင်းမြစ်များ

Luù 5:33

Anyùùŋ bà naŋ dàwè wo Jisɛ̀ nyààŋ, “Wèè kiìŋ anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ e kpùlìà anyùùŋ màŋjɛ̀wɛ̀ aŋ Fɛlosiì nyaŋ kuwo ke tɔùŋ e kìlà àŋ zoolà e teenga gbiŋ, kɛɛ aŋ jeum nyàŋ nɔ̀ŋ jììyè nɛ̀ŋje yèè àŋ tiye?”

Nyɛ̀nɛ̀ŋ 13:3

Àŋ naŋ wa kùwò ke tɔùŋ yèè àŋ naŋ zoolò, aŋ nyiŋ gbùwà maŋ kùàŋ diɛŋ yèè àŋ naŋ nyiŋ tùɔ̀ŋ.

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

Nyɛ̀nɛ̀ŋ 26:7

Maŋ zìì ɗì zììyà jɛ̀wɛ̀ tìyèe wi màŋ zoolà maŋ e dùùm yèè maŋ gɔɛɛ ke jii tùlia sùà wèè aŋ yɛmɛ̀ kɛ̀ e ɗààhiìɛ wo Dayà naŋ wa jɔ̀ɔ̀ lɛ e hɛɛnɛ̀ŋ, e kìlà wèè ke jìì tùlìà guùŋ yɛɛ̀, Kanaà Àgulepɔ̀, aŋ Juùù nyaŋ naim gbùwò maŋ keì ɗì.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

Maŋ kèì nyɛɛnɛŋ 3:12

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ mììnè maŋ kpɛnɛ wèè aŋ nɔ̀ŋ ko Saaŋ Zòòlò Dayà miɔ̀ŋ, yèè àŋ doo nàŋ nɔ̀ŋ wèè julɔfɔ. Maŋ kpɛnɛ bi mìŋ do nàŋ sìngè e dèè wo Dayà miɔ̀ŋ yaà e dèè ko jàwà gbèè Dayà miɔ̀ŋ, ko Jùlusɛ̀làm jɛ̀ìyìi, ko yèe do nàŋ dèyè e yìwìà ko àìjɛnɛ̀ŋ e yìwìà wo Dayà miɔ̀ŋ sìwè. Mìŋ do miŋ ɓɛìŋ nàŋ sìngè e deè jɛ̀ì mɛ̀.”

Maŋ kèì nyɛɛnɛŋ 7:15

Esaɓùɛ lɛɛ̀ àŋ naŋ ɓèmè ko sìe nyiŋ niìŋ ke kpùà Dayàa fɛɛ̀feìŋ yèè àŋ zoolàuŋ maŋ gɔɛɛ yèè e dùùm ko Saaŋ Zòòlò Dayài. Wo nyùnɔ̀ɔŋ jaa ke kpùà kanaà diɛŋ wɔ̀, do nyiŋ nàŋ yɛ̀mɛ̀ diɛŋ.