Luù 2:2 - WƆŊ FƐ̀Ì EBÒ SÌÀŊ DAYÀA

² E kpɛ̀nɛ̀ŋ anyuùŋ jiɛ̀jiɛ̀ɛ lɛɛ̀ wa, e teenga bi zà wo Kɔ̀liniɔ̀ nàŋ yaà wa wo kanaà wèè wɔŋ fùɔ̀ŋ Siilìàa.

Luù 2:2 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Luù 2:1

E teenga lii sùà wo Siisɔ̀ Àgɔsɔ̀, wo Kànà Gbèè wɔŋ fùɔ̀ŋ anyùùŋ ko Luùm nyaŋ naŋ wa hèè ke sàwà wààŋ kɛ̀, aŋ sìngà maŋ dèè anyùùŋ nyaŋ gbiŋ wɔŋ fɛi diɛŋ wɔŋ fuɔŋ bi sùà.

Luù 2:3

Wo nyùùŋ gbiŋ e teenga bi sùà, naŋ wa kɔ̀ ko jàwà wuŋ biì, wèè wo sìngà e deèuŋ nɛ̀ wɔŋ fɛi diɛŋ.

Luù 3:1

È yaà wa wɔŋ dòà zììyà jɛ̀wɛ̀ nɔɔnɔɔ̀ŋ e kànà kɛ̀ɛ̀ Tàbiliɔ̀ Siisɔ̀ɛ sùà, wo Kànà Gbèè wɔŋ fùɔ̀ŋ anyùùŋ Luùm nyaŋ. Wo Pɔuŋtiɔ̀ Paalè nàŋ yaà wa wo kana wɔŋ fùɔ̀ŋ Jùdiàa diɛŋ, wo Hɛɛlɔ̀ nàŋ yaà wa wo kana wɔŋ fùɔ̀ŋ Galaliìɔ sùà. Wo wùìyà Hɛɛlɔ̀ɔ, Felè, wuŋ pɛɛ nàŋ yaà wa wo kanaà wèè wɔŋ fùɔ̀ŋ Etuliàa yèè wɔŋ fùɔ̀ŋ Takɔnaitèɔ, wo Làsanià nàŋ yaà wa wo kanaà wèè wɔŋ fùɔ̀ŋ Abilììɔŋ.

Nyɛ̀nɛ̀ŋ 13:7

Wo Ɓà-Jisɛ̀ hewa ɓɛìŋ tomo wèè wo Sɛ̀giiù Pɔɔlù. Wo Sɛ̀giiù Pɔɔlù nàŋ yaà wa wo sìèfèìŋ ke tiìɛŋ yèè wò naŋ wa nyìmè e keì fèemàŋ. Wò manaŋ wa wèè wo kòmàŋ ke mìè Dayàa, Kpeiŋ wò naŋ tùɔ̀ŋ wèè wo Bànaŋɓà yaà wo Pɔɔ̀, wo yèɔ àŋ hewa nyààŋ Sɔɔ̀ wɔ.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 23:26

E mìè sùà fɛiɔ̀ naŋ woò wàà, “E zùùmo yaà ko nɛ̀ɛ̀ŋ muìŋ, Kanaà Filɛ̀. Wɔŋ fɛi wɛɛ̀ŋ yewe wo Kulɔdiɔ̀ Lasià sìwè yèè wɔ̀ŋ yaà hìnìè ko nɛ̀ɛ̀ŋ muìŋ.

Nyɛ̀nɛ̀ŋ 26:30

Kpeiŋ wo Kanaà Àgulepɔ̀, yèè wo kanaà Fɛtɔ̀ yaà wo Bɛ̀niìŋ e kpùlìà anyùùŋ nyaŋ gbiŋ jaao wa nyàŋ naŋ yèwè dìì.

Nyɛ̀nɛ̀ŋ 5:37

Eɓìèmàŋjɛ̀wɛ̀ tii, wo Juɗà, wo nyùùŋ fùɔ̀ŋ Galaliìɔ naŋ hnè e tèèngà anyuùŋ kpɛ̀nɛŋ nyàŋ. Wò naŋ wa ɓèmè wuŋ bi wo nyùùŋ gààŋ gbee wèè auŋ tùlìà jii. Anyuùŋ zimgbe nauŋ wa dè maŋjɛ̀wɛ, kɛɛ wuŋ pɛɛ àŋ nauŋ wa jìwè, yèè anyùùŋ màŋjɛ̀wɛ̀uŋ nyàŋ gbiŋ naŋ ɓaayè.