Luù 2:16 - WƆŊ FƐ̀Ì EBÒ SÌÀŊ DAYÀA

¹⁶ Àŋ naŋ kɔ̀ maŋ dùaŋ dùaŋ aŋ mɛ̀ɛ̀ŋ wo Mèèle yaà wo Jòòsɛ, yèè àŋ naŋ yɛ̀mɛ̀ wo jɔaà wò hawa maŋ dɛɛ màŋ diɛŋ koɓɛ̀i aŋ nyìlì nyaŋ gbilià lɛ wɔŋ gbòlàa sùà.

Luù 2:16 ပူးပေါင်းရင်းမြစ်များ

Luù 1:39

E teenga kpuu naŋ mààŋ yèè wo Mèèle naŋ banebànè fiò fiò, wò naŋ kɔ̀ ko jawa bà wɔŋ fùɔ̀ŋ Juɗàa sùà wɔŋ fàà maŋ toò maŋ.

Luù 19:32

Àŋ naŋ kɔ̀ aŋ mɛ̀ɛ̀ŋ e nɛ̀ɛŋ gbiŋ màànààŋ nɔŋ wo Jisɛ̀ naŋ nyiŋ woò lɛ.

Luù 2:12

Yèè e ɗeweɛ̀ lɛɛ̀ nìŋ douŋ nàŋ nyìmè, nìŋ do nàŋ mɛ̀ɛ̀ŋ wo jɔaa àŋ nauŋ kpènèkpènè maŋ dèè wò hawa maŋ dɛɛ màŋ diɛŋ koɓɛ̀i aŋ nyìlì nyaŋ gbilià lɛ wɔŋ gbòlàa sùà ko kùlò aŋ nyìlì nyaŋ.”

Luù 2:15

Nààŋ aŋ màikà nyaŋ naŋ kɛ̀ɛ̀ maŋjɛ̀wɛ̀ ko àìjɛnɛ̀ŋ, anyuùŋ tùnìàŋ ɓaawaa nyàŋ naŋ wòò nyiŋ bi e fèemàŋ nyààŋ, “Kàwiìŋ ko Bɛfilehɛɛ̀ŋ wèè e yɛmɛ̀iŋ e yèɛ wo Kanaà Dayà naŋ nyɛ̀nɛ̀ŋ yèè wò naŋ wi yaà woò lɛ̀.”

Luù 2:17

Nààŋ anyuùŋ tùnìàŋ ɓaawaa nyàŋ naŋ yɛ̀mɛ̀ wo Jisɛ̀, àŋ naŋ wòò anyuùŋ kòmauŋ nyàŋ e mìè nyààŋ wo màikàa naŋ nyiŋ fòlò feìŋ wɔ e nyaàiŋ dè wo jɔ̀àa.

Luù 2:7

Nààŋ aŋ gò wa yɛ̀mɛ̀ kò hàwe kò sààŋ nyùùnèènyɛiŋ nyàŋ, wo Mèèle naŋ wa kùmìè wo jɔ̀àfelaa jiɛ̀ jiɛ̀uŋ nɔɔ̀ŋ ko kùlò aŋ nyìlì nyaŋ, yèè wò nauŋ kpènèkpènè maŋ dèè wouŋ hàà maŋ dɛɛ màŋ diɛŋ wɔŋ gbòlàa sùà koɓɛ̀i aŋ nyìlì nyaŋ gbilià lɛ.

Luù 22:13

Anyùùŋ màŋjɛ̀wɛ̀ nyaŋ naŋ yèwè dìì, aŋ kà ko jawaì, yèè àŋ naŋ mɛ̀ɛ̀ŋ e nɛ̀ɛŋ gbiŋ màànààŋ wo Jisɛ̀ naŋ nyiŋ woò lɛ, yèè àŋ nao bàànè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.