Luù 2:14 - WƆŊ FƐ̀Ì EBÒ SÌÀŊ DAYÀA

¹⁴ “E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Luù 2:14 ပူးပေါင်းရင်းမြစ်များ

Maafiù 21:9

Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Luù 1:79

Yèè yàwi nààŋ nyùùŋ nyaŋ joàìŋ ke nyìwì e fàa sùà nyaŋ, e gbolòùŋ lɛɛ̀ do wi nàŋ mɛ̀ɛ̀ŋ diɛŋ wèè e wi tɔ̀ɔ̀ ke dòmaàŋ kɔ̀à koɓɛ̀ wɔŋ nyììŋ gè ke jii fàa sùà yɛ̀.”

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 2:13

Ko fɛɛ̀feìŋ ke gbòò aŋ màikà zimgbe naŋ dèyè e yìwìà ko àìjɛnɛ̀ŋ aŋ gbònò wo màikà wɛɛ̀ kɔɔ yèè àŋ naŋ tɔ̀ɔ̀tù tɛ̀nɛ̀ŋ wo Dayà nyààŋ,

Luù 2:15

Nààŋ aŋ màikà nyaŋ naŋ kɛ̀ɛ̀ maŋjɛ̀wɛ̀ ko àìjɛnɛ̀ŋ, anyuùŋ tùnìàŋ ɓaawaa nyàŋ naŋ wòò nyiŋ bi e fèemàŋ nyààŋ, “Kàwiìŋ ko Bɛfilehɛɛ̀ŋ wèè e yɛmɛ̀iŋ e yèɛ wo Kanaà Dayà naŋ nyɛ̀nɛ̀ŋ yèè wò naŋ wi yaà woò lɛ̀.”

Luù 3:22

yèè wo Jìnàŋ Nɛɛmaàŋ, wo yèɔ naŋ tèènè wo poopoò ke kpùnaŋ sùà wɔ, naŋ dèyè wo jɛ̀ì Jisɛ̀ diɛŋ. Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 2:4

E ɗewe gbio sùà, wo Dayà naŋ banè ke nyowo sùà, yèè e mànaàŋ wò kuwa weè wilɛ̀ è naŋ dɛɛ̀.

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Fèle 2:11

yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Kòlo 1:20

E yìwìà esàɓù wo Jɔ̀àfelaauŋ nɔɔ̀ŋ sùà, wo Dayà naŋ wa ɗewè wèè wo kɛ̀lɛ̀ɛ̀ anyùùŋ nyaŋ gbiŋ ko àìjɛnɛ̀ŋ yèè e dììɛ diɛŋ koɓɛ̀ wuŋ biì. Wò naŋ wa hìàŋ jii fàa, nààŋ wò naŋ wa nyimèè wèè wo gììyà maŋ sɛ̀ìŋ wo Jɔ̀àfelaauŋ nɔɔ̀ŋ saaà wɔŋ vànèkpaaà diɛŋ. E ɗewe lɛɛ̀ sùà wò naŋ kɛ̀lɛ̀ɛ̀ manɛ̀ŋ maŋ gbiŋ ko àìjɛnɛ̀ŋ yaà e ɗuunyaàŋ koɓɛ̀ wuŋ biì.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

Maŋ kèì nyɛɛnɛŋ 5:13

Mìŋ naŋ ɓɛìŋ kòmò manɛ̀ŋ gè nyiiŋ màŋ gbiŋ ko àìjɛnɛ̀ŋ, e dììɛ diɛŋ, e dììɛ dìì koɓɛ̀ anyuùŋ fàa nyàŋ yèè wɔŋ juwoɔ̀ sùà, manɛ̀ŋ maŋ gbiŋ yaà e ɗuunyaàŋ sùà maŋ màŋ yaà gbeeme nyààŋ, “Koɓɛ̀ wo nyùnɔ̀ɔŋ jaa ke kpùà kanaà diɛŋ wɔ̀ yaà wo Ɓaawaaà, tɔ̀ e tɛ̀nɛŋ, e ɓɛ̀ɛ̀jàa, e jòòwo, yèè e gààŋ nɔ̀ŋ kɔ nɛ̀ɛ̀uŋ niìŋ, wèè julɔfɔ yèè julɔfɔ!”