Luù 19:42 - WƆŊ FƐ̀Ì EBÒ SÌÀŊ DAYÀA

⁴² Wò naŋ woò wààŋ, “Sèè anyùùŋ nyaŋ ko Jùlusɛ̀làm aŋ nàaŋ weè nyìmàŋ kɛ̀ kiìŋ nàŋ do nyiŋ nàŋ hìɛ̀ŋ ke jii fàa! Kɛɛ è yaà ko nyɛɛnɛŋ, niŋ fè niŋ yɛmɛ̀.

Luù 19:42 ပူးပေါင်းရင်းမြစ်များ

Luù 19:41

Nààŋ wo Jisɛ̀ naŋ gbɛ̀ɛ̀ yèè wò naŋ yɛ̀mɛ̀ ko Jùlusɛ̀làm, wò naŋ gòlò.

Luù 19:43

Jùlusɛ̀làm, e teenga do nàŋ hnè aŋ jooiŋ nyàŋ do nàŋ nyɛ̀lɛ̀ maŋ gbàngi aiŋ kilià wèè aiŋ gbùwà ke gùuŋ. Aŋ kààlòòɗùà doiŋ nàŋ kiliè e kìlà aŋ yìlà maŋ dòmaŋ nyaaŋ màŋ gbiŋ.

Luù 19:44

Àŋ doum nàŋ nɛɛlɛ̀ ko dììnaŋ yèè aŋ jìwà anyunùum nyàŋ gbiŋ. Ke dùò guùŋ pɛɛ maŋ saaiŋ màŋ ke naàŋ jèè hàwè kè dàwi nyiŋ nɛɛ̀ŋ diɛŋ. Tɛɛ̀ do nàŋ kaaìŋ esaɓù kɛ̀ niŋ gò yɛmɛ̀ kɛ̀ wò Dayà naŋ hnè wèè woiŋ joeyè.”

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Hiɓu 3:13

Kɛɛ è yaà tɛ̀ɛ̀ wèè naŋ kìɛ̀ŋ àŋ dàwiiŋ nyàŋ maŋ jii nyingè ke ɗɔɔ gbiŋ, nààŋ nɔŋ ke mìè Dayàa “Nàaŋ” wɔŋ fɛ̀ì Dayàa sùà naŋ woò lɛ. Wo nyùùŋ bà gbiŋ e tɛɛiŋ ɓɔ̀ wò nyɛ̀nɛ̀ŋ kè jiiuŋ nɛɛ̀ŋ kè do nyìngà esàɓù maŋ jùumù maŋ wò do nàŋ nyɛ̀nɛ̀ŋ maŋ.

Hiɓu 3:15

Wɔŋ fɛ̀ì Dayàa naŋ woò wààŋ, “Sèè nìŋ komo nàaŋ kè mìè Dayàa, ɓɔ̀ nìŋ nyìngà màŋ jiiŋ màŋ, màànààŋ aŋ nèwàènèiŋ nyàŋ naŋ wa nyɛ̀nɛ̀ŋ e teengaà àŋ naŋ wa gììyè wo Dayà maŋhɛɛ lɛ̀.”

Hiɓu 3:7

Weètii, nààŋ wo Jìnàŋ Nɛɛmaàŋ naŋ woò lɛ, “Sèè nìŋ komo nàaŋ kè mìè Dayàa,