Luù 19:20 - WƆŊ FƐ̀Ì EBÒ SÌÀŊ DAYÀA

²⁰ Wo ɓɔìjɔ̀àa bà guùŋ naŋ ɓɛìŋ hnè wò naŋ woò wààŋ, ‘Kààmɔɔŋ, ke pàtàà guùŋ mɔɛ̀ŋ kɛɛ̀. Mìŋ naŋ nyiŋ mɛ̀iŋ kpènèkpènè wɔŋ pisì sùà.

Luù 19:20 ပူးပေါင်းရင်းမြစ်များ

Maafiù 25:24

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ guùŋ nɛ wɔ̀ naŋ hnè yèè wò naŋ woò wààŋ, ‘Kààmɔɔŋ, kà nyìmàŋ kɛ̀ e tùwo mɔ̀ɛ̀ è naŋ nyìngè. Mùŋ kpaa manɛ̀ŋ komaŋ màŋ yè maŋ muŋ gò nyùàŋ maŋ, yèè mùŋ gbonàŋ manɛ̀ŋ komaŋ e yìwìà ko ɓùi muŋ gò vààì mànɛ̀ŋ komaŋ lɛ̀.

Luù 19:13

Kɛɛ wèè paŋ wo ka wa, wò naŋ nyààŋ aŋ ɓɔ̀ìjɔ̀à zììyàuŋ nyàŋ koɓɛ̀ guùŋ. Wò naŋ kìɛ̀ŋ wo bà guùŋ gbiŋ e nɛɛnɛŋ jika. Wò naŋ nyiŋ woò wààŋ, ‘Tòòmoìŋ e nɛɛnɛŋ lɛɛ̀ wèè niŋ kuwiè e nɛɛnɛŋ zimgbe e jèèsùà miŋ kɛɛ̀ maŋjɛ̀wɛ.’

Luù 19:19

Wo kanaà naŋ wòò wo yè wɛɛ̀ wààŋ, ‘Mùŋ do nàŋ nɔ̀ŋ wo sìèfèìŋ maŋ jàwà gbèègbèè nɔɔnɔŋ.’

Luù 19:21

Mìŋ naŋ tii nyɛ̀nɛ̀ŋ esaɓù kɛ̀ e jùùɛ yààìm mɛ̀iŋ wèè e nɛ̀ɛŋ mùŋ he weè nàŋ nyɛ̀nɛ̀ŋ lɛ, sèè mìŋ go nyɛ̀nɛ̀ŋ e geenìŋ. Kà nyìmàŋ kɛ̀ e tùwo mɔ̀ɛ̀ è naŋ nyìngè. Mùŋ ɓemàŋ e nɛ̀ɛŋ muŋ kanàŋ lɛ yèè mùŋ kpaa maŋ nɛ̀ŋje ɓù maŋ muŋ gò nyùàŋ maŋ.’

Luù 3:9

E gbuu kòò è yaà naàŋ nɛ̀wɛ niŋ tɛ wèè e kɛ̀ɛ̀kɛ̀ɛ̀ maŋ kùù maŋ e hàì koɓɛ̀ maŋ kuù gùlò maŋ. Ke kùù gbiŋ ke yèɛ gò kòmàŋ maŋ kuù kòmàŋ kɛnɛ yɛ̀, kè do nàŋ nɔ̀ŋ kɛ̀ɛ nyiŋ aŋ nyiŋ gbìàŋ ko hmɔ̀iŋ.”

Luù 6:46

“Wèè kiìŋ nìŋ nyààìm ‘Kanaà, Kanaà,’ kɛɛ niŋ fè nyɛ̀nɛ̀ŋ è yèɛ mìŋ woàìŋ lɛ?

Jɔ̀ɔŋ 11:44

Wo Lazɔlɔ̀ naŋ fòlò, wò yaà maŋ dèè maŋ àŋ nauŋ siiyè maŋ sùà, yèè wɔŋ deè fàà ɓùùwaùŋ wɔŋ feìŋ. Yèè wo Jisɛ̀ naŋ nyiŋ woò wààŋ, “Fìle nùuŋ, niŋ dangèuŋ wo ka.”

Jɔ̀ɔŋ 20:7

yèè wò naŋ yɛ̀mɛ̀ wɔŋ deè fààa àŋ naŋ wa ɓùwìè wo Jisɛ̀ e ɗì wɔŋ. Kɛɛ wɔŋ fè wa kòɓɛ̀i màŋ dèè kasange màŋ hawa wa lɛ̀, wɔ̀ŋ yaà wa mɔ̀la wuŋ wɔ̀ŋ hawa wɔŋ faà joo bà ke hùaàŋ sùà.

Jìiiŋ 4:17

Wèètii wo nyùnɔ̀ɔŋ gbiŋ naŋ nyìmè e keì sìàaŋ wò nyɛnɛŋ lɛ̀ yèè wo gò niŋ nyɛ̀nɛ̀ŋ wɔ è yaà e jùumù ko nɛ̀ɛ̀uŋ niìŋ.