Luù 19:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ wèè paŋ wo ka wa, wò naŋ nyààŋ aŋ ɓɔ̀ìjɔ̀à zììyàuŋ nyàŋ koɓɛ̀ guùŋ. Wò naŋ kìɛ̀ŋ wo bà guùŋ gbiŋ e nɛɛnɛŋ jika. Wò naŋ nyiŋ woò wààŋ, ‘Tòòmoìŋ e nɛɛnɛŋ lɛɛ̀ wèè niŋ kuwiè e nɛɛnɛŋ zimgbe e jèèsùà miŋ kɛɛ̀ maŋjɛ̀wɛ.’

Luù 19:13 ပူးပေါင်းရင်းမြစ်များ

Maafiù 25:16

Wo yèɔ naŋ wa yɛ̀mɛ̀ e pàtaà tààsùùŋ nɔɔnɔɛ̀ŋ wɔ, naŋ kɔ̀ yèè wò naŋ niŋ nyìnìè ebòli, yèè wò naŋ ɓɛìŋ yɛ̀mɛ̀ e tààsùùŋ nɔɔnɔŋ e nɛɛnɛuŋ nɛ̀ diɛŋ.

Maafiù 25:20

Wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ nɔɔnɔɛ̀ŋ wɔ, naŋ niŋ hiɛ̀ŋ e hààwè e tààsùùŋ nɔɔnɔɛ̀ŋ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ nɔɔnɔŋ, kɛɛ mìŋ naŋ yɛ̀mɛ̀ e gèènìŋ e tààsùùŋ nɔɔnɔŋ ɓɛìŋ.’

Maafiù 25:22

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ tìyèeɛ̀ wɔ naŋ niŋ hiɛ̀ŋ e hààwè e tààsùùŋ tìyèeɛ̀ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ tìyèe, kɛɛ mìŋ naŋ yɛ̀mɛ̀ e gèènìŋ e tààsùùŋ tìyèe ɓɛìŋ.’

Maafiù 25:24

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ guùŋ nɛ wɔ̀ naŋ hnè yèè wò naŋ woò wààŋ, ‘Kààmɔɔŋ, kà nyìmàŋ kɛ̀ e tùwo mɔ̀ɛ̀ è naŋ nyìngè. Mùŋ kpaa manɛ̀ŋ komaŋ màŋ yè maŋ muŋ gò nyùàŋ maŋ, yèè mùŋ gbonàŋ manɛ̀ŋ komaŋ e yìwìà ko ɓùi muŋ gò vààì mànɛ̀ŋ komaŋ lɛ̀.

Luù 19:12

Kpeiŋ wò naŋ nyiŋ woò wààŋ, “Wo jɔ̀àfèlàà wo kana gbee bà yaà wa kɔ̀ɔ̀yɛ̀ wɔŋ fuɔŋ joo bà sùà wèè auŋ nyɛ̀nɛ̀ŋ wo kana. Wò naŋ wa ɗewè wèè wo kɛ̀ɛ̀ maŋjɛ̀wɛ wɔŋ fuɔuŋ nɔɔ̀ŋ sèè àŋ nyɛ̀nɛùŋ wo kana.

Luù 19:14

Kɛɛ anyùùŋ wuŋ bi nyàŋ wɔŋ fuɔuŋ nɔɔ̀ŋ nauŋ wa wùɔ̀ŋ. Kpeiŋ àŋ naŋ tùɔ̀ŋ aŋ keela wɔŋ fuɔŋ joo bi sùà wèè aŋ woò nyààŋ, ‘E manàìŋ wò felaa wɛɛ̀ wò do nɔ̀ŋ wò kana wiɔ̀.’

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.