Luù 18:9 - WƆŊ FƐ̀Ì EBÒ SÌÀŊ DAYÀA

⁹ Wo Jisɛ̀ naŋ ɓɛìŋ wòò ke kàɓanè koɓɛ̀ anyùùŋ bà aŋ yè nyaŋ naŋ tùlìè e tɔ̀ɔ̀nyaàŋ nyiŋ nɛ̀ jii yèè àŋ naŋ kɔ̀ɔ̀yɛ̀ anyuùŋ gbànaŋ nyàŋ gbiŋ fɛ̀ɛ̀ diɛŋ nyàŋ.

Luù 18:9 ပူးပေါင်းရင်းမြစ်များ

Luù 10:29

Kɛɛ wo felaaà manaŋ wa wo tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ. Yèè wò naŋ dàwè wo Jisɛ̀ wààŋ, “Ɓòò nàŋ yaà wo nyuùŋkpùuŋ dàwi miɔ̀ŋ?”

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Luù 18:11

Wo Fɛlosiìɔ naŋ kɔ̀ wo sie fauŋ wɔŋ kùàŋ wùùŋ mauŋ yèè wò naŋ zoolò wààŋ, ‘Dayà, mìŋ naum gè sɛ̀, esaɓù kɛ̀ mìŋ fè nyɛ̀nɛ̀ŋ è wànàŋ gbiŋ, miŋ fè e kàaɓì, miŋ fè nyɛ̀nɛ̀ŋ hmɔŋtu mààŋ ànyuùŋ gbànaŋ nyàŋ nyɛnɛŋ lɛ̀. Mìŋ naum gè sɛ̀ miŋ fè mààŋ wò nyuùŋ kùwà è nɛ̀ɛ̀nɛ̀ŋ fuɔŋ gò kɛɛnɛ̀ŋ hààwe wii kuii.

Luù 19:7

Anyùùŋ nyaŋ gbiŋ naŋ wa yɛ̀mɛ̀ e keì bi nyàŋ naŋ tɔ̀ɔ̀tù ɗìòsùà gùlia nyààŋ, “Wo kenàŋ wɛɛ̀ wò kà ke nyɛiŋ ko gbòò wo nyùùŋ maŋ jùumù.”

Luù 7:39

Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Jɔ̀ɔŋ 9:28

Anyuùŋ gbeegbèè nyaŋ nauŋ kìɛ̀ŋ maŋ mìè ɓɛ̀ɛ̀pɔ̀ɔ yèè àŋ nauŋ woò nyààŋ, “Muàŋ nàŋ yaà wo nyùùŋ màŋjɛ̀wɛ̀uŋ nɔɔ̀ŋ, kɛɛ è yààìŋ anyùùŋ màŋjɛ̀wɛ̀ wèè wo Mòòze.

Jɔ̀ɔŋ 9:34

Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Luùm 14:10

Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,