Luù 18:7 - WƆŊ FƐ̀Ì EBÒ SÌÀŊ DAYÀA

⁷ Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ?

Luù 18:7 ပူးပေါင်းရင်းမြစ်များ

Maafiù 24:22

Kɛɛ wò Dayà naŋ wa kɛ̀ɛ̀ maŋ ɗɔɔ bi diɛŋ. Sèè wò go miŋ wa weè kɛ̀ɛ̀ diɛŋ, wo nyùùŋ gbiŋ fè weè jàà kàìŋ. Kɛɛ wèè esàɓù anyunùuŋ nyàŋ wò naŋ wa tàeɗùù nyaŋ wò naŋ wa kɛ̀ɛ̀ maŋ ɗɔɔ màŋ diɛŋ.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 7:11

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛ̀ŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ mànɛ̀ŋ kɛnɛ kòɓɛ̀ ànyùùŋ nyaŋ dawàuŋ nyaŋ?

Luù 11:13

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Luù 2:37

Kɛɛ wò yaà wa naàŋ maŋ doa kpɛ̀ùŋ tiinàŋ jɛ̀wɛ̀ tiinàŋ. E dùùm yèè maŋ gɔɛɛ wò hewa jòò ko Saaŋ Zòòlò Dayài wò yaà zòòlò Dayà wò kuwo ke tɔùŋ.

Luù 21:28

Sèè maŋ keì mɛɛ̀ŋ màŋ tɔɔtù kàaiŋ, sìeìŋ ɗeiŋ niŋ gè maŋ ɗì dìì, esaɓù kɛ̀ e tèèngà e jòèyeiŋ nɛ̀ è gbɛ̀ɛ̀.”

Luùm 8:33

Ɓòò naŋ ɓɛ̀nɛ̀ŋ gbùwà anyùùŋ nyaŋ wo Dayà naŋ tàeɗùù nyaŋ e keì ɗì? Wo Dayà wuŋ bi naŋ nyiŋ tàeɗùù, yèè wuŋ nàŋ juuyà maŋ jùumù nyiŋ màŋ hakɛ̀.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

1Tɛsè 3:10

E dùùm yaà maŋ gɔɛ è dawàìŋ Dayà maŋ jii wi màŋ gbiŋ wèè wo haà ke dòmaŋ e seenèiŋ, yèè wo fèiŋ e yèɛ gbiŋ nìŋ naŋ mɔ̀nɔ̀ŋ e hààweiŋ nɛ̀ sùà lɛ.

2Tɛsè 1:6

Wo Dayà do nàŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ. Anyùùŋ nyaŋ naiŋ mɔɔnɛ̀ŋ nyaŋ, wo Dayà do nyiŋ nàŋ hèè e mɔ̀ɔ̀nɛŋ diɛŋ,

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

2Time 1:3

Mìŋ naŋ gè wo Dayà ke sɛ̀, wo yèɔ mìŋ zoolà e gòngo sengèì sùà wɔ, màànààŋ aŋ nèwàènèweim nyàŋ naŋ wa nyɛ̀nɛ̀ŋ lɛ. Mìŋ nauŋ gè sɛ̀ màànààŋ nɔŋ mìŋ naum jàà jii e teenga gbiŋ e zoolo mɛ̀ sùà e dùùm yaà maŋ gɔɛ lɛ̀.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.

Maŋ kèì nyɛɛnɛŋ 18:20

Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ ko àìjɛnɛ̀ŋ, esaɓù kɛ̀ wo Dayà wòuŋ pɔɔpɔ̀ɔ̀! Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ, nyɛ̀iŋ nààŋ keela tàeɗùù nyaŋ, yèè nyɛ̀iŋ nààŋ wɛ̀ijì nyaŋ! Esaɓù kɛ̀ wo Dayà wòuŋ gbaì yèè wòuŋ kìlìà e kiti diɛŋ wèè e keìɛ wò naiŋ jàà lɛ!

Maŋ kèì nyɛɛnɛŋ 6:10

Anyùùŋ nyiiŋ naŋ kpààŋ ke miè gbee sùà yèè àŋ naŋ woò nyààŋ, “Kànà Gaàŋ Gbeeɔ̀, mùŋ yaà nɛɛmaŋ yèè e tɔ̀ɔ̀nyaàŋ! Kiìŋ è teenga mùnlaŋ mùŋ do nàŋ ɓemè paŋgàà mùŋ gbaì e kìlà maŋ nìmìlà anyùùŋ ɗuunyaŋ nyàŋ naŋ wi wa jìwè nyaŋ?”

Maŋ kèì nyɛɛnɛŋ 7:15

Esaɓùɛ lɛɛ̀ àŋ naŋ ɓèmè ko sìe nyiŋ niìŋ ke kpùà Dayàa fɛɛ̀feìŋ yèè àŋ zoolàuŋ maŋ gɔɛɛ yèè e dùùm ko Saaŋ Zòòlò Dayài. Wo nyùnɔ̀ɔŋ jaa ke kpùà kanaà diɛŋ wɔ̀, do nyiŋ nàŋ yɛ̀mɛ̀ diɛŋ.