Luù 18:43 - WƆŊ FƐ̀Ì EBÒ SÌÀŊ DAYÀA

⁴³ Ko fɛɛ̀feìŋ wo felaaà naŋ yɛ̀mɛ̀ dìì, yèè wò naŋ dè wo Jisɛ̀ maŋjɛ̀wɛ, wò yaà gììyè wo Dayà sɛ̀. Nààŋ anyùùŋ nyaŋ naŋ wa yɛ̀mɛ̀ e nɛ̀ɛŋ naŋ kaaìŋ lɛ, aŋ gbiŋ naŋ tɛ̀nɛ̀ŋ gè Dayà.

Luù 18:43 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 21:14

Anyuùŋ zììlè le fɛ̀ɛ̀ nyaŋ yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ hnè koɓɛ̀ Jisɛ̀i ko Saaŋ Zòòlò Dayài, yèè wò naŋ nyiŋ sùngò.

Maafiù 9:8

Nààŋ anyùùŋ nyaŋ naŋ wa tɛɛ̀ yɛmɛ̀, e jùù naŋ nyiŋ nyɛ̀nɛ̀ŋ yèè àŋ naŋ tɛ̀nɛ̀ŋ wo Dayà wèè wo kìɛ̀ŋ e gààŋ mààŋ tɛɛ̀ koɓɛ̀ anyuùŋ kpùuŋ.

Luù 13:17

E sàngè naŋ wa nyɛ̀nɛ̀ŋ aŋ joouŋ nyàŋ gbiŋ wèè nyiŋ bi nààŋ wò naŋ nyiŋ wa tɛɛ̀ woò, nààŋ anyuùŋ gbànaŋ nyàŋ gbiŋ yaà wa gììyè zɔlɔ̀ wèè maŋ kèè mèè maŋ gbiŋ wò naŋ nyɛ̀nɛ̀ŋ maŋ.

Luù 19:37

Nààŋ wò naŋ hàì e gbɛ̀ɛ̀ ko Jùlusɛ̀làm, koɓɛ̀i ke dòmaàŋ deye e yìwìà wɔŋ tòò maŋ Ɔlè Kùùɔ dìmɛ̀, ke gbòò gbèè anyùùŋ màŋjɛ̀wɛ̀uŋ nyàŋ yaà wa gììyè zɔlɔ̀ e kìlà àŋ yaà jòòwò Dayà wèè maŋ kèè mèè maŋ gbiŋ àŋ naŋ yɛmɛ̀ maŋ.

Luù 4:39

Wò naŋ kɔ̀ ko nɛ̀ɛ̀uŋ niìŋ, yèè wò naŋ woò wààŋ e kɔɔ bìaà e jùàuŋ e kɔɔ sùà. E kɔɔ bìaà naŋ jùò wo nìeɔ̀ kɔɔ sùà, wò nìeɔ̀ naŋ yèwè dìì wo nyiŋ kìɛ̀ŋ e nɛ̀ŋje.

Luù 5:26

Tɛɛ̀ naŋ wa fòònò anyùùŋ nyaŋ gbiŋ. E jùù naŋ nyiŋ nyɛ̀nɛ̀ŋ, àŋ naŋ tɛ̀nɛ̀ŋ wo Dayà àŋ yaà woo nyààŋ, “Kiìŋ è kèè mèè gbee è naiŋ yaà nàaŋ yɛmɛ̀ lɛ!”

Luù 9:43

È naŋ wa fòònò anyùùŋ nyaŋ gbiŋ wèè e gààŋ gbèè Dayàa. Kɛɛ nààŋ anyùùŋ nyaŋ yaà wa gòòngò maŋ keì maŋ gbiŋ wò yaà wa nyinie màŋ, wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ,

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 4:21

Kpeiŋ anyùùŋ gbèègbèè fuɔŋ nyàŋ naŋ nyiŋ naàà nyìnga yèè àŋ naŋ nyiŋ dangè aŋ ka. Anyùùŋ fuɔŋ nyàŋ gò wa yɛ̀mɛ̀ kè dòmaŋ gbiŋ wèè àŋ do kìɛ̀ŋ àŋ felaa nyàŋ è keì nyìnga, esaɓù kɛ̀ anyùùŋ nyaŋ gbiŋ yaà wa tɛ̀ɛ̀nɛ̀ŋ Dayà wèè e keìɛ naŋ wa kaaìŋ lɛ.

Gàla 1:24

E kìlà esaɓù mɛ̀ sùà, àŋ naŋ jòòwò e dèè Dayàa.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.