Luù 18:32 - WƆŊ FƐ̀Ì EBÒ SÌÀŊ DAYÀA

³² Àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim diɛ̀ŋ yèè aim tùlìà maŋ sɔlɔ.

Luù 18:32 ပူးပေါင်းရင်းမြစ်များ

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 20:19

yèè àŋ doim nàŋ kìlè koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ doim nàŋ hiilè, aim ɓùlà yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèe sùà.”

Maafiù 22:6

Aŋ bà nyiŋ naŋ wa kùwò aŋ ɓɔìjɔ̀à nyaŋ, aŋ ɓùlà aŋ bà nyiŋ, yèè aŋ jìwà aŋ bà nyiŋ.

Maafiù 26:67

Kpeiŋ aŋ bà nyiŋ naŋ tɔ̀ɔ̀tù wo Jisɛ̀ tùlìà maŋ sɔlɔ, àŋ jùoùŋ. Yèè aŋ yè nyaŋ nauŋ wa hèèfɛ̀ɛ̀ nyaŋ naŋ woò nyààŋ,

Maafiù 27:2

Àŋ naŋ sìè wo Jisɛ̀ maŋ jɔ̀ɔɔ, auŋ koà, yèè àŋ nauŋ tùlìè wo Paalè, wo kànà anyùùŋ ko Luùm nyaŋ.

Luù 18:33

Àŋ doim nàŋ ɓùlò yèè aim jìwà. Sèè e gɔ̀ɛ̀ɛ̀ taai maaŋ, mìŋ do nàŋ yèwè e fàaà dìì wɔŋ nyiiŋ gèeo sùà.”

Luù 23:1

Anyùùŋ nyaŋ gbiŋ naŋ wa yèwè dìì yèè àŋ naŋ kɔ̀ɔ̀ wo Jisɛ̀ koɓɛ̀ Paalèi.

Luù 23:11

Wo Hɛɛlɔ̀ yaà aŋ kààlòòɗùàuŋ nyàŋ naŋ wa hììlè wo Jisɛ̀ e kìlà auŋ fè maŋ mìè ɓɛ̀ɛ̀pɔ̀ɔ. Kpeiŋ àŋ nauŋ gɔ̀àì wɔŋ ɓuuɓane siaŋ yèè àŋ nauŋ ɓɛìŋ tùɔ̀ŋ koɓɛ̀ Paalèi.

Luù 23:35

Anyùùŋ siao wa àŋ yàaùŋ yɛɛmɛ e kìlà e tèèngà guùŋ bi sùà aŋ ɓɛ̀màŋɗì aŋ Juùù nyaŋ yàaùŋ hiile nyààŋ, “Wò naŋ jòèyè anyuùŋ joo. Tɔ̀ wo joeyè wuŋ bi, sèè mààŋ wuŋ nàŋ yaà wo Kulaìɔ, wo yèɔ wo Dayà naŋ tàeɗùù wɔ!”

Jɔ̀ɔŋ 18:22

Nààŋ wo Jisɛ̀ naŋ tɛɛ̀ woò, anyuùŋ tùnìàŋ ke Saaŋ Zòòlò Dayàa bà guùŋ siao wa wɔ̀ naŋ hèè wo Jisɛ̀ fɛ̀ɛ̀ nyààŋ yèè wò naŋ woò wààŋ, “Wèè kiìŋ mùŋ gboo yɛi koɓɛ̀ wo Kànà Sìèfèìŋ Zòòlo Gbeeɔ̀?”

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 18:30

Anyùùŋ nyaŋ naŋ fasàì nyààŋ, “Wò yaà wo nyuùŋ pɔ̀ɔ̀ ke sàwà! Esaɓùɛ lii è nauŋ hìɛ̀ŋ ko nɛ̀ɛ̀ŋ muìŋ.”

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 18:35

Wo Paalè naŋ fasàì wààŋ, “Màŋ nyìmàŋ kɛ̀ miŋ fè wò Juùù. Anyùùŋ muàŋ bi nyàŋ yèè aŋ kànà sìèfèìŋ zòòlo nyàŋ naum hìɛ̀ŋ ko nɛ̀ɛ̀ŋ miìŋ. Kiìŋ mùŋ naŋ nyɛ̀nɛ̀ŋ?”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.