Luù 18:22 - WƆŊ FƐ̀Ì EBÒ SÌÀŊ DAYÀA

²² Nààŋ wo Jisɛ̀ naŋ tɛɛ̀ kòmò, wò nauŋ woò wààŋ, “E kèì ɗì guùŋ naŋ ɓɛìŋ joo wèè maŋ nyɛ̀nɛ̀ŋ. Kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 18:22 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 10:42

kɛɛ e kèì ɗì guùŋ nɔŋ nàŋ yaà e kɛnɛɛ̀. Wo Mèèle zà naŋ ɓèmè e keì kɛnɛ bi wèè wò niŋ nyɛ̀nɛ̀ŋ, e yèɛ wo nyùùŋ gbiŋ naàuŋ niŋ ɓɛ̀nɛ̀ŋ gè sìwè.”

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Luù 18:21

Wo felaaà naŋ fasàì wààŋ, “Kà wa kùwà maŋ sàwà mɛɛ̀ŋ gbiŋ e yìwìà e teengaà mìŋ yaà wa wo kɔmɔŋjɔa lɛ̀.”

Luù 18:23

Kɛɛ nààŋ wo felaaà naŋ wa tɛɛ̀ kòmò, wò naŋ nɔ̀ŋ ɗoomɛɛŋ, esaɓù kɛ̀ wò kuwa wa e bàne zimgbe.

Luù 9:23

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo nyɛ̀ɛ̀nɛ̀ŋ e kèè wɔŋ bi, wo ɓèmè wɔŋ vànèkpaauŋ nɔɔ̀ŋ ke ɗɔɔ gbiŋ, woim dè maŋjɛ̀wɛ.

Fèle 3:13

Nyɛ̀iŋ nààŋ wùìyaim nyàŋ, miŋ gò haawè kɛ̀ kà niŋ naàŋ ɓùlà tɛ. Kɛɛ e kèì guùŋ mìŋ yaà nyinie, tiŋ nàŋ yaà wèè ka nyɛ̀ɛ̀nɛ̀ŋ e kèè e yèɛ yààìm ko jɛ̀wɛ̀ lɛ, yèè ka nyɛ̀nɛ̀ŋ e tɛ̀ɛ̀tɛ̀ɛ̀ gbiŋ mìŋ naŋ ɓɛ̀nɛ̀ŋ nyɛ̀nɛŋ lɛ̀ wèè ka hàì koɓɛ̀ e yèɛ yààìm ko feìŋ lɛ.

2Pììlɛ 3:8

Kɛɛ nyɛ̀iŋ nààŋ dàwi mànaim nyàŋ, ɓɔ̀ nìŋ nyɛɛnɛ̀ŋ è kèì guùŋ. Tiŋ nàŋ yaà, e fèemàŋ gòòno gbiŋ fè kò fɛ̀ɛ̀fèìŋ Kanaà wèè è fèèmàŋ kè gɔ̀ɛ̀ guùŋ yèè màŋ doa tààsùùŋ guùŋ. Ko nɛ̀ɛ̀uŋ niìŋ, maŋ kèì ɗì tìyèe miiŋ naŋ seenè kpaŋ.