Luù 17:7 - WƆŊ FƐ̀Ì EBÒ SÌÀŊ DAYÀA

⁷ “Sèè wo ɓɔìjɔ̀à tòmo mɔɔ̀ŋ wo weè hnàŋ e yìwìà ko tùmìè dìì ko ɓùi ɔ̀ɔ̀ ko yɛ̀ɛ̀mɛ̀ aŋ ɓaawaa nyàŋ diɛŋ, màuŋ ɓɛ̀nɛ̀ŋ wòo mààŋ, ‘Hnaàŋ muŋ kùwà e nɛ̀ŋje muŋ jè’?

Luù 17:7 ပူးပေါင်းရင်းမြစ်များ

Maafiù 12:11

Wo Jisɛ̀ naŋ nyiŋ fasàì wààŋ, “Sèè nyɛ̀iŋ nyɛɛ̀ŋ bà guùŋ wo weè kùwìè wo ɓààwàà guùŋ wo ka wò sɛ̀ɛ̀ ko golo ke Ɗɔ̀ɔ̀ Zòòlò aŋ Juùù nyaŋ diɛŋ, muŋ naàŋ nòo gèe, mùŋ douŋ noo nàŋ jòò? Kpele! Mùŋ douŋ noo nàŋ gè fiò, tii zà è ɓɛ̀nɛ̀ŋ nɔ̀ŋ e tòmo ke ɗɔɔ gè nyiiŋ wiɛ̀ diɛŋ.

Luù 13:15

Wo Kanaà Jisɛ̀ nauŋ fasàì wààŋ, “Muàŋ e kpùlìà aŋ sìèfèìŋ zòòlo dàwium nyàŋ nìŋ yaà anyùùŋ fɛ̀ɛ̀ ɗòònààkeì! Nyɛ̀iŋ nyɛɛ̀ŋ bà gbiŋ niŋ fè gè wò dìii ɔ̀ɔ̀ wò ɗòsòo mɔɔ̀ŋ wɔ̀ŋ gbòlà màŋ nɛ̀ŋje nyiŋ nɔɔ̀ŋ sùà ke Ɗɔ̀ɔ̀ Zòòlò aŋ Juùù nyaŋ diɛ̀ŋ wèè mauŋ koà wo tìà?

Luù 14:5

Kpeiŋ wò naŋ wòò nyiŋ gbiŋ wààŋ, “Sèè nyɛ̀iŋ nyɛɛ̀ŋ bà guùŋ wo weè kùwìè wo jɔ̀àfelaa ɔ̀ɔ̀ wo diì wo ka wo sɛ̀ɛ̀ ko gòlò maŋ màì ke Ɗɔ̀ɔ̀ Zòòlò aŋ Juùù nyaŋ diɛŋ, muŋ naàŋ tomo wèè mauŋ noo gè kè ɗɔɔ yii diɛŋ ɔ̀ɔ̀ mùŋ douŋ noo nàŋ jòò e jèèsùà wɔŋ niìsìaà bàa?”

Luù 17:26

Màànààŋ nɔŋ è yaà wa lɛ̀ e teengaà wo Nòa yaà wa wɔŋ nyiiŋ gèeɔ̀ sùà lɛ, yɛi nɔŋ è do wa nàwèè nàŋ nɔ̀ŋ maŋ ɗɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ sùà.

Luù 17:6

Wo Kanaà Jisɛ̀ naŋ nyiŋ fasàì wààŋ, “Sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò ke nyɔ̀lì kuu yɛɛ̀ nààŋ, ‘Fìè muŋ ka muŋ sie wɔŋ juwoɔ̀ tɛ̀ɛ̀.’ E yèɛ nìŋ naŋ woò lɛ è do nàŋ hɛɛnɛ̀ŋ.

Luù 17:8

Kpele, muŋ naàŋ tii woò. Mùŋ douŋ nàŋ woò mààŋ, ‘Kɔ̀à vɔ̀ɔ̀nɔɔ̀ŋ maŋ deèum màŋ muŋ banebànè e nɛ̀ŋje muŋ kiɛ̀im miŋ jè. E kìlà muŋ fòlàim miŋ kpɛɛyɛ̀ jèe pangàà mùŋ jè e nɛ̀ŋje mɔ̀ɛ̀ maŋ tìà.’ ”