Luù 17:6 - WƆŊ FƐ̀Ì EBÒ SÌÀŊ DAYÀA

⁶ Wo Kanaà Jisɛ̀ naŋ nyiŋ fasàì wààŋ, “Sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò ke nyɔ̀lì kuu yɛɛ̀ nààŋ, ‘Fìè muŋ ka muŋ sie wɔŋ juwoɔ̀ tɛ̀ɛ̀.’ E yèɛ nìŋ naŋ woò lɛ è do nàŋ hɛɛnɛ̀ŋ.

Luù 17:6 ပူးပေါင်းရင်းမြစ်များ

Maafiù 14:29

Wo Jisɛ̀ nauŋ woò wààŋ, “Hnaàŋ.” Wo Pììlɛ naŋ fòlò ko gɔì yèè wò naŋ tɔ̀ɔ̀tù kààìŋ e wùìyèɛ diɛŋ wò yaà kɔ̀ɔ̀yɛ̀ koɓɛ̀ Jisɛ̀i.

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Maafiù 21:21

Wo Jisɛ̀ naŋ nyiŋ fasàì wààŋ, “Mìŋ yààìŋ wòò sùà e tɔɔɓaaà, sèè wo nyùùŋ gbiŋ wo kɛ̀ɛ̀nɛ̀ŋ e hààwe yèè wo gò sikà, wò ɓɛ̀nɛ̀ŋ nyɛ̀nɛ̀ŋ e nɛ̀ŋ guùŋ nɛ mìŋ naŋ nyìnìè ke feè kùù yɛɛ̀ lɛ. Yèè e fè ngèè nɔ̀ŋ è yè tɛɛ̀, kɛɛ wò ɓɛ̀nɛ̀ŋ wòò wɔŋ toò wɛɛ̀ŋ wààŋ, ‘Fìè muŋ sɛɛ̀ wɔŋ juwoɔ̀ sùà,’ yèè è do nàŋ hɛɛnɛ̀ŋ.

Luù 13:19

E ɗewe lɛɛ̀ e Kànà Dayàa è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo. Kè dɛɛ̀ ke nɔ̀ŋ ke kuù gbee, e kìlà aŋ wòì nyaŋ ko fùùiŋ hnàŋ aŋ nyɛ̀lɛ̀ maŋ jie nyiŋ màŋ maŋ kpee nyiŋ màŋ sùà.”

Luù 17:7

“Sèè wo ɓɔìjɔ̀à tòmo mɔɔ̀ŋ wo weè hnàŋ e yìwìà ko tùmìè dìì ko ɓùi ɔ̀ɔ̀ ko yɛ̀ɛ̀mɛ̀ aŋ ɓaawaa nyàŋ diɛŋ, màuŋ ɓɛ̀nɛ̀ŋ wòo mààŋ, ‘Hnaàŋ muŋ kùwà e nɛ̀ŋje muŋ jè’?

Luù 19:4

Kpeiŋ wò naŋ dùɔ̀ŋ wo mààŋ anyùùŋ nyaŋ feìŋ yèè wò naŋ jòwò ke feè kùù sùà wèè wo yɛmɛ̀ Jisɛ̀ nààŋ wò yaà wa kɔ̀ɛ̀ sùà ke dòmaŋ yii.

Luù 7:13

Nààŋ wo Kanaà Jisɛ̀ nauŋ wa yɛmɛ̀, ke nyowo nauŋ nyɛ̀nɛ̀ŋ yèè wò naŋ wòò wo nìeɔ̀ wààŋ, “Ɓɔ̀ mùŋ gòlà.”

Luù 7:19

wò naŋ nyiŋ tùɔ̀ŋ koɓɛ̀ wo Kanaà wèè aŋ dawèuŋ nyààŋ, “Muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ wò do nàŋ hnè wɔ, ɔ̀ɔ̀ e fòlàiŋ wo nyuùŋ joo bà?”

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.