Luù 17:29 - WƆŊ FƐ̀Ì EBÒ SÌÀŊ DAYÀA

²⁹ Ke ɗɔɔɛ̀ wo Lɔɔ̀ naŋ wa yèwè ko Sɔdɔ̀ùŋ lɛ, e hmɔɔ̀ŋ jɛi yaà le dùò e hmɔ̀ɔ̀ŋ naŋ wa fòlò ko àìjɛnɛ̀ŋ yèè è naŋ sɔ̀ɔ̀ ko jawaì e jìwà aŋ gbiŋ.

Luù 17:29 ပူးပေါင်းရင်းမြစ်များ

Luù 17:28

Yɛi nɔŋ è naŋ wa kaaìŋ e teengaà wo Lɔɔ̀ yaà wa fuɔŋ lɛ̀. Anyùùŋ yaà wa jììyè nɛ̀ŋ yèè àŋ yaà tììyè maŋ mùàŋ, àŋ yaà dìnìè bòli àŋ maàŋ, àŋ yaà nyùùnyɛ̀ŋ maŋ nɛ̀ŋ wuiye yèè àŋ yaà nyìlìè maŋ saaŋ.

Luù 17:30

Yɛi nɔŋ e kèì guùŋ bi do nàŋ nɔ̀ŋ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè.

2Pììlɛ 2:6

Wo Dayà naŋ wa hèè e kìtì hmɔ̀ɔ̀ŋ ko Sɔdɔ̀ùŋ yaà ko Gòmolà, maŋ jawa bi maŋ gbiŋ kìlà e duum, yèè wò naŋ miŋ nyɛ̀nɛ̀ŋ wèè maŋ nɔŋ e tɔ̀ɔ̀màŋseì wèè e nɛ̀ɛŋ do nàŋ kaaìŋ koɓɛ̀ anyuùŋ gò nyìmàŋ Dayà nyaŋ lɛ̀.

Juù 1:7

Jàaìŋ ko Sɔdɔ̀ùŋ yaà ko Gòmolà jii, yèè maŋ jawa gbɛ̀ɛ̀ kɔɔ miŋ màŋ. Anyùùŋ bi naŋ wa nyɛ̀nɛ̀ŋ mààŋ aŋ màikà nyaŋ naŋ wa nyɛ̀nɛ̀ŋ lɛ. Àŋ naŋ wa tòòmò maŋ kpùnaŋ nyiŋ màŋ wèè maŋ kèì nàànààŋ ke yɛ̀ɛ̀ hmɔtu kà tinàŋ gbiŋ nyìniaŋ. Àŋ naŋ kɔ̀ e nìmìlà kèì nyìngà e hmɔɔ̀ŋ kùwa dìì wèè nyiiŋ gèe gò jùà julɔfɔ, wèè e nɔ̀ŋ e gòo sengèì wèè anyùùŋ nyaŋ gbiŋ.

Maŋ kèì nyɛɛnɛŋ 11:8

e kìlà àŋ do nàŋ jòò maŋ die nyiŋ màŋ maŋ tèetì màŋ diɛŋ, ko jawa gbee ko yèi àŋ naŋ wa jìwìyè wo Kana nyiŋ nɔɔ̀ŋ wɔŋ vànèkpaaà diɛŋ lɛ̀. E dèèɛ anyùùŋ nyaŋ naŋ wa nyìmè wèè ko jàwà nɛɛmaŋ wii lɛ̀ nàŋ yaà, ko Sɔdɔ̀ùŋ ɔ̀ɔ̀ ko Ijè.

Maŋ kèì nyɛɛnɛŋ 14:10

wo Dayà do nyiŋ nàŋ kìɛ̀ŋ e keì nyìnga sèè wò tuù, e teenè mààŋ wò naŋ tìè maŋ tala muaŋ nyìnga maŋ yè maŋ wò naŋ gɔ̀àì wɔŋ kpòò ke jii fiìuŋ nɛɛ̀ŋ sùà maŋ. Anyùùŋ nyaŋ gbiŋ do tɛɛ̀ nàŋ nyɛ̀nɛ̀ŋ nyaŋ, àŋ do nàŋ kùwò e nimilà gbee e hmɔ̀ɔ̀ŋ yèè e sɔfɔ̀ sùà, ko fɛ̀ɛ̀fèìŋ aŋ màìkà nɛɛmaŋ nyàŋ yaà wo Ɓaawaaà.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.