Luù 17:20 - WƆŊ FƐ̀Ì EBÒ SÌÀŊ DAYÀA

²⁰ Aŋ Fɛlosiì nyaŋ bà nyiŋ naŋ dàwè wo Jisɛ̀ nyààŋ, “Kiìŋ è teenga e Kànà Dayàa do nàŋ hnè?” Yèè wo Jisɛ̀ naŋ nyiŋ fasàì wààŋ, “E Kànà Dayàa e fè è nɛ̀ŋ wèè e hnàŋ wò nyùùŋ do niŋ yɛmɛ̀.

Luù 17:20 ပူးပေါင်းရင်းမြစ်များ

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 14:1

Kè Ɗɔ̀ɔ̀ zòòlò aŋ Juùù nyaŋ bà guùŋ diɛŋ wo Jisɛ̀ naŋ wa kɔ̀ ko gbòò wo nyùùŋ gbèè aŋ Fɛlosiì nyaŋ bà guùŋ ko jììyè nɛ̀ŋje. Yèè anyùùŋ nyaŋ gbiŋ nauŋ wa jàà fɛ̀ɛ̀ diɛŋ.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 19:11

Nààŋ àŋ yaà wa gbɛ̀ɛ̀ sùà ko Jùlusɛ̀làm, anyùùŋ nyaŋ kuwa wa wo Jisɛ̀ maŋjɛ̀wɛ naŋ kòmò maŋ kàɓanè maŋ wò yaà wa giiye màŋ, naŋ gongò kɛ̀ sèè wò haì wa nɔŋ ko Jùlusɛ̀làm fà wò nɔ̀ŋ wo kana nyiŋ nɔɔ̀ŋ.

Jɔ̀ɔŋ 18:36

Yèè wo Jisɛ̀ naŋ woò wààŋ, “E kana mɛ̀ fè wèè ànyùùŋ nyaŋ è ɗuunyaŋ lɛɛ̀. Sèè è nɔ̀ŋ yɛi weè, anyùùŋ màŋjɛ̀wɛ̀im nyàŋ henàŋ sòmò wèè aŋ ɓɔìjɔ̀àiŋ nyàŋ goim weè nàŋ hìɛ̀ŋ koɓɛ̀ anyùùŋ gbèègbèè aŋ Juùù nyaŋ. Kɛɛ e kana mɛ̀ fè wèè ànyùùŋ nyaŋ è ɗuunyaŋ lɛɛ̀.”