Luù 16:6 - WƆŊ FƐ̀Ì EBÒ SÌÀŊ DAYÀA

⁶ Wo nyùnɔ̀ɔŋ nauŋ woò wààŋ, ‘Mìŋ kùwaùŋ e kpàŋ e bù tiìŋ hɔ̀nɔ̀ɔ̀ guùŋ (100).’ Yèè wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ nauŋ woò wààŋ, ‘Ɓèmè wɔŋ fɛ̀ì kpàŋ mɔɔ̀ŋ muŋ sìngào e kpàŋ bù tiìŋ kpɛ̀ɛ̀ùŋ tìyèe jɛ̀wɛ̀ zììyà (50) fiò.’

Luù 16:6 ပူးပေါင်းရင်းမြစ်များ

Maafiù 20:8

“E koya gɔɛɛ lii wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ naŋ wòò wo nyùnɔ̀ɔŋ sia anyuùŋ tòmo nyàŋ feìŋ nyaŋ kɛ̀ wo nyààŋ nyiŋ wèè wo paawà nyiŋ e nɛɛnɛŋ nyiŋ nɛ̀. Wo kɛ̀ɛ̀nɛ̀ŋ ɓùɔ naŋ ɓɛìŋ wòò wo felaaà wààŋ wo tɔɔtù niŋ koɓɛ̀ anyuùŋ tòmo dìàmaŋ nyàŋ, e jeèsùà wo haì koɓɛ̀ anyuùŋ jiɛ̀jiɛ̀ nyaŋ.

Luù 16:12

Yèè sèè mààŋ kòò nìŋ nɔ̀ŋ è tɔ̀ɔ̀nyaàŋ sùà wèè è nɛ̀ɛŋ wo nyùùŋ bà kanaŋ lɛ̀, ɓòò nàŋ douŋ nàŋ kìɛ̀ŋ e yèɛ nauŋ sɔ̀ dèè lɛ?

Luù 16:5

Kpeiŋ wò naŋ nyààŋ anyùùŋ nyaŋ gbiŋ kuwa wo kààmɔɔuŋ nɔɔ̀ŋ e kpàŋ nyaŋ. Wò naŋ dàwè wo nyuùŋ jiɛ̀jiɛ̀ɔ wààŋ, ‘Kpàŋ kiìŋ mùŋ kuwa wo kààmɔɔŋ miɔ̀ŋ?’

Luù 16:7

Kpeiŋ wo ɓɔìjɔ̀àa naŋ ɓɛìŋ dàwè wo nyuùŋ kùwìè kpàaŋ bà guùŋ wààŋ, ‘Muàŋ zà, kpàŋ kiìŋ mùŋ kuwa?’ Yèè wuŋ wò naŋ woò wààŋ, ‘Mìŋ kùwaùŋ e kpàŋ e kpàli pòum tààsùùŋ guùŋ (1,000).’ Yèè wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ nauŋ woò wààŋ, ‘Ɓèmè wɔŋ fɛ̀ì kpàŋ mɔɔ̀ŋ muŋ sìngào e kpàŋ e kpàli pòum hɔ̀nɔ̀ɔ̀ nɔɔnɔŋ le taai (800).’

Luù 16:9

Yèè wo Jisɛ̀ naŋ ɓɛìŋ woò wààŋ, “Weètii tɔ̀ miŋ woòiŋ, tòòmoìŋ e nɛɛnɛɛ̀ŋ nìŋ naŋ yɛmɛ̀ e kàaɓì sùà lɛ e ɗuunyaàŋ lɛɛ̀ wèè niŋ kpuumàŋ anyùùŋ, wèè aŋ nɔ̀ŋ anyuùŋ mɔ̀ɔ̀nɔiŋ. Kpeiŋ sèè nìŋ fà e yèɛ niŋ fè ɓɛ̀nɛ̀ŋ kòà è nɛɛnɛŋ lɛ̀, kɛ̀ wo Dayà yaà aŋ màikàuŋ nyaŋ doiŋ nàŋ ɓeè aiŋ jàà kùàŋ dìì aiŋ kìɛ̀ŋ maŋ vààyà saaŋ ko yè dò nàŋ nɔ̀ŋ wèè julɔfɔ lɛ̀ ko àìjɛnɛ̀ŋ.

Jɔ̀ɔŋ 2:6

Maŋ dìsàìŋ gbèègbèè nɔɔnɔŋ dièguùŋ, maŋ yè maŋ àŋ naŋ wa bàànè le dùò lɛ, maŋ yaào wa e kèè wɔŋ ɗaa gèeɔ̀ sùà wèè e wuiyè sìa. E sàìŋ guùŋ gbiŋ hewa ɓèmè e fèèmàŋ e wuiyè tiìŋ kpɛ̀ɛ̀ùŋ yaà tiìŋ kpɛ̀ɛ̀ùŋ jɛ̀wɛ̀ zììyà. Aŋ Juùù nyaŋ kuwa maŋ langi wèè aŋ gùà nyiŋ bi wèè aŋ nɔ̀ŋ zɛ̀nɛŋ nyiŋ paŋgàà aŋ zòòlò Dayà, esaɓùɛ lii àŋ naŋ wa sìè e wùìyèɛ maŋ dìsàiŋ miiŋ sùà.

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.