Luù 16:3 - WƆŊ FƐ̀Ì EBÒ SÌÀŊ DAYÀA

³ Wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ naŋ wòò koɓɛ̀ wuŋ biì wààŋ, ‘Wo kààmɔɔŋ miɔ̀ŋ yaà hinie woim gè e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè. Kiìŋ mìŋ do nàŋ nyɛ̀nɛ̀ŋ? Miŋ gò nyìngà kɔɔ wèè ka nyɛ̀nɛ̀ŋ è tòmo nyìnga, yèè e sàngèɛ nyɛ̀nɛ̀ìm wèè ka hɔmɔ̀ɔ̀ŋ.

Luù 16:3 ပူးပေါင်းရင်းမြစ်များ

Maafiù 20:8

“E koya gɔɛɛ lii wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ naŋ wòò wo nyùnɔ̀ɔŋ sia anyuùŋ tòmo nyàŋ feìŋ nyaŋ kɛ̀ wo nyààŋ nyiŋ wèè wo paawà nyiŋ e nɛɛnɛŋ nyiŋ nɛ̀. Wo kɛ̀ɛ̀nɛ̀ŋ ɓùɔ naŋ ɓɛìŋ wòò wo felaaà wààŋ wo tɔɔtù niŋ koɓɛ̀ anyuùŋ tòmo dìàmaŋ nyàŋ, e jeèsùà wo haì koɓɛ̀ anyuùŋ jiɛ̀jiɛ̀ nyaŋ.

Luù 12:17

Wo kenàaŋ naŋ wòò ke jiiuŋ nɛɛ̀ŋ sùà wààŋ, ‘Kiìŋ mìŋ naŋ ɓɛ̀nɛ̀ŋ nyɛ̀nɛŋ? Miŋ kuwà kò nɛ̀nɛ̀ŋ gbee wèè kao gbìàŋ mànɛ̀ŋ jè ɓù maŋ gbiŋ mìŋ kuwa màŋ.’

Luù 16:2

Yèè wo felaa bàneɔ̀ nauŋ nyààŋ wò nauŋ dàwè wààŋ, ‘Kiìŋ mìŋ naŋ yaà kòmò e nyaàiŋ eum dè? Hnaàŋ muŋ kiɛ̀im ke jii gbài e nyaàiŋ dè manɛ̀ŋ maŋ kinɛiŋ mùŋ yaà yɛ̀ɛ̀mɛ̀ diɛŋ màŋ, esaɓù kɛ̀ mìŋ yààùm gè sùà e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè.’

Luù 16:20

Wo felaa pɔ̀ɔ hɔ̀mɔɔŋ bà yaào wa wuŋ pɛɛ àŋ nyaaŋ nyààŋ Lazɔlɔ̀. Wo gbiŋ yaà wa manɛ̀ŋjèla, yèè àŋ heuŋ wa hìàŋ wɔŋ gbàngì kenàŋ bàneɔ̀ yɛmgbɛ̀.

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Luù 16:4

Yèè wò naŋ woò wààŋ kà nyìmàŋ kɛ̀ kiìŋ mìŋ do nàŋ nyɛ̀nɛ̀ŋ, wèè kɛ̀ sèè e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ fòlòìm sìwè, aŋ dàwiim nyàŋ doim nàŋ jàà kùàŋ dìì maŋ gboo nyiŋ màŋ sùà.’

Luù 18:4

Wèè e teenga mùnlaŋ wo kana gbàì keìɔ naŋ gè maŋhɛɛ wèè wo nyɛ̀nɛ̀ŋ e nɛ̀ɛŋ wo nìeɔ̀ manaŋ wa lɛ̀. Kɛɛ ko diemeì wò naŋ wòò koɓɛ̀ wuŋ biì wààŋ, ‘Jòòpɛɛ miŋ fè dùàŋ Dayà ɔ̀ɔ̀ miŋ kuwà è ɓɛ̀ɛ̀jàa wèè ànyùùŋ gbiŋ,

Jɔ̀ɔŋ 9:8

Anyùùŋ nyaŋ wɔŋ gbòòkùàŋ felaaà yèè aŋ yè nyaŋ nauŋ nyìmè kɛ̀ wò jaà wa ko hɔmɔɔŋ nyàŋ naŋ dawè nyààŋ, “Wɛɛ̀ nààŋ fè wò fèlaaà jaà wa ko hɔmɔɔŋ wɔ̀?”

Nyɛ̀nɛ̀ŋ 3:2

Nààŋ àŋ naŋ wa kɔ̀ yèè àŋ naŋ hàì wɔŋ gbàngiɔ̀ yɛmgbɛ̀ àŋ nyaaŋ wa nyààŋ Gbàngi Siaŋ Sìàaŋ wɔ̀ŋ, àŋ nao wa mɛ̀ɛ̀ŋ wo felaa bà wo yèɔ àŋ naŋ wa kùmìè e sààŋ kpɔ̀ɔ̀kpɔɔ. Ke ɗɔɔ gbiŋ àŋ koàuŋ wa wɔŋ gbàngeɔ̀ feìŋ wèè wo hùmàŋ anyùùŋ nyaŋ e nɛɛnɛŋ sèè àŋ nɔ̀ɔ̀ŋ jɔ̀ɔ̀yɛ̀ ko Saaŋ Zòòlò Dayài.

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”

2Tɛsè 3:11

È naŋ tɛɛ̀ woò e fèfoo èiŋ kòmàŋ kɛ̀ anyuùŋ fà le kɔɔ bà kòò àŋ yààìŋ tɛɛ aŋ yè nyaŋ fè nyɛ̀nɛ̀ŋ è nɛ̀ŋ bà gbiŋ sɔɔ̀ nɔŋ maŋ kèì aŋ bà gbìàŋ nyààŋ sùà.