Luù 16:26 - WƆŊ FƐ̀Ì EBÒ SÌÀŊ DAYÀA

²⁶ Eɓìèmàŋjɛ̀wɛ̀ tii, wɔŋ goo gbee hawa yàwi yèè muàŋ e fèemàŋ, wèè kɛ̀ anyùùŋ nyaŋ wɔŋ fàà wɛɛ̀ŋ gò nàŋ kɔ̀ wɔŋ fàà wiiŋ, yèè wo bà guùŋ pɛɛ e yìwìà kuii go nàŋ nìè kià ko nɛ̀ɛ̀ŋ wiì.’

Luù 16:26 ပူးပေါင်းရင်းမြစ်များ

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Luù 12:59

Miŋ woòum e tɔɔɓaaà, mùŋ do nàŋ nɔ̀ŋ ko sààŋ nyìwìi e jèèsùà maŋ pààwà e kpàŋ ke kàpàà guùŋ dìàmaàŋ mùŋ kuwa kpàŋ lɛ.”

Luù 16:25

Kɛɛ wo Eɓulɔhɛɛ̀ŋ nauŋ fasàì wààŋ, ‘Dàwi miɔ̀ŋ, kɛ̀ɛ̀nɛɛ̀ŋ ke jii jàa kɛ̀ mùŋ kuwa wa e tɛ̀ɛ̀tɛ̀ɛ̀ɛ gbiŋ e teengaà mùŋ yaà wa wɔŋ nyiiŋ gèeɔ̀ sùà lɛ, yèè mùŋ naŋ wa gè maŋhɛɛ wèè maŋ tɔ̀ɔ̀ ke nyowo koɓɛ̀ Lazɔlɔ̀i jòòpɛɛ wò yaà wa kùwìè e keì nyìngaà gbiŋ. Kɛɛ kòò wò yaà naàŋ ke jii fàa sùà, yèè muàŋ mùŋ yaà kùwìè e keì nyìnga.

Luù 16:27

Kɛɛ wo kenàŋ bàneɔ̀ nauŋ dawè wààŋ, ‘Kɛ̀ kɔ̀nɛɛ̀ŋ dèda Eɓulɔhɛɛ̀ŋ, tuàŋ wo Lazɔlɔ̀ ko gbòò dèda mio.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.

Maŋ kèì nyɛɛnɛŋ 22:11

Wo nyùnɔ̀ɔŋ gbiŋ yaà wo nyuùŋ nyɛ̀nɛ̀ŋ maŋ keì naanààŋ wɔ, wo nɔ̀ŋ nyìnìè maŋ keì naanààuŋ màŋ, yèè wo nyùnɔ̀ɔŋ gbiŋ yaà nyìnìè maŋ keì kùwà ninaŋ wɔ̀, wo kuunò miŋ nyɛ̀nɛŋ. Wo nyùnɔ̀ɔŋ gbiŋ yaà nyìnìè tɔ̀ɔ̀nyaàŋ wɔ, wo kuunò niŋ nyɛ̀nɛŋ, e kìlà wo nyùnɔ̀ɔŋ gbiŋ yaà e nɛɛmaŋ sùà wɔ, wo jeè e nɛɛmaŋ sùà.”