Luù 16:25 - WƆŊ FƐ̀Ì EBÒ SÌÀŊ DAYÀA

²⁵ Kɛɛ wo Eɓulɔhɛɛ̀ŋ nauŋ fasàì wààŋ, ‘Dàwi miɔ̀ŋ, kɛ̀ɛ̀nɛɛ̀ŋ ke jii jàa kɛ̀ mùŋ kuwa wa e tɛ̀ɛ̀tɛ̀ɛ̀ɛ gbiŋ e teengaà mùŋ yaà wa wɔŋ nyiiŋ gèeɔ̀ sùà lɛ, yèè mùŋ naŋ wa gè maŋhɛɛ wèè maŋ tɔ̀ɔ̀ ke nyowo koɓɛ̀ Lazɔlɔ̀i jòòpɛɛ wò yaà wa kùwìè e keì nyìngaà gbiŋ. Kɛɛ kòò wò yaà naàŋ ke jii fàa sùà, yèè muàŋ mùŋ yaà kùwìè e keì nyìnga.

Luù 16:25 ပူးပေါင်းရင်းမြစ်များ

Maafiù 27:63

àŋ nauŋ woò nyààŋ, “Kanaà, èiŋ jààejii kɛ̀ wo felaa tòa wii naŋ mɛ̀iŋ woò e teengaà wò yaà wɔŋ nyiiŋ gèeɔ̀ sùà lɛ wààŋ, ‘Mìŋ do nàŋ yèwè e fàaà dìì wɔŋ nyiiŋ gèe sùà sèè e gɔ̀ɛ̀ɛ̀ taai è maaŋ.’

Luù 16:20

Wo felaa pɔ̀ɔ hɔ̀mɔɔŋ bà yaào wa wuŋ pɛɛ àŋ nyaaŋ nyààŋ Lazɔlɔ̀. Wo gbiŋ yaà wa manɛ̀ŋjèla, yèè àŋ heuŋ wa hìàŋ wɔŋ gbàngì kenàŋ bàneɔ̀ yɛmgbɛ̀.

Luù 16:23

Kpeiŋ wò naŋ gè fɛ̀ɛ̀ dìì e yìwìà ko jàhamaŋ, ko yèi wò yaà wa e keì nyìnga dìì lɛ, yèè wò naŋ yɛ̀mɛ̀ wo Eɓulɔhɛɛ̀ŋ koɓɛ̀ dii yaà wo Lazɔlɔ̀ àŋ jaa koɓɛ̀ guùŋ.

Luù 16:26

Eɓìèmàŋjɛ̀wɛ̀ tii, wɔŋ goo gbee hawa yàwi yèè muàŋ e fèemàŋ, wèè kɛ̀ anyùùŋ nyaŋ wɔŋ fàà wɛɛ̀ŋ gò nàŋ kɔ̀ wɔŋ fàà wiiŋ, yèè wo bà guùŋ pɛɛ e yìwìà kuii go nàŋ nìè kià ko nɛ̀ɛ̀ŋ wiì.’

Luù 6:24

“Kɛɛ e kei nyìnga do nàŋ nɔ̀ŋ wèè nyɛ̀iŋ nyàŋ naŋ banè nyaŋ. Nàŋ nyìnìàŋ wɔŋ nyiiŋ gèeiŋ nɔɔ̀ŋ ke jii nyingè yaà ke nyɛɛnkɛŋ siaŋ sùà.”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

1Tɛsè 3:3

e wèè kɛ̀ nyɛ̀iŋ nɛɛ̀ŋ bà gbiŋ go nàŋ kɛ̀ɛ̀ màŋjɛ̀wɛ èsàɓù màŋ mɔ̀ɔ̀nɛŋ mɛɛ̀ŋ sùà. Nyɛ̀iŋ bì nàŋ nyìmàŋ kɛ̀ maŋ mɔ̀ɔ̀nɛŋ mààŋ mɛɛ̀ŋ màŋ yaà maŋ kèè jìì Dayà maŋ bà weè wi.

Hiɓu 11:25

Wò naŋ wa banebànè wèè wuŋ yèè anyùùŋ Dayà nyaŋ aŋ kùwà e keì nyìnga koɓɛ̀ guùŋ, wèè e nɛ̀ɛŋ nyɛ̀nɛ̀ŋ wo jikà maŋ kèì ɓùùyè maŋ jùumù wèè e teenga kpuu sùà.

1Jɔ̀ɔŋ 2:15

Ɓɔ̀ nìŋ mànàŋ e ɗuunyaàŋ ɔ̀ɔ̀ mànɛ̀ŋ kɛ̀ɛ̀nɛ̀ŋ ɗuunyaŋ maŋ. Sèè wo nyùùŋ gbiŋ naŋ kɛ̀ɛ̀nɛ̀ŋ e mànaŋ wèè e ɗuunyaàŋ, wo kuwà è mànaŋ wèè wò Dèdaà.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.