Luù 16:23 - WƆŊ FƐ̀Ì EBÒ SÌÀŊ DAYÀA

²³ Kpeiŋ wò naŋ gè fɛ̀ɛ̀ dìì e yìwìà ko jàhamaŋ, ko yèi wò yaà wa e keì nyìnga dìì lɛ, yèè wò naŋ yɛ̀mɛ̀ wo Eɓulɔhɛɛ̀ŋ koɓɛ̀ dii yaà wo Lazɔlɔ̀ àŋ jaa koɓɛ̀ guùŋ.

Luù 16:23 ပူးပေါင်းရင်းမြစ်များ

Maafiù 11:23

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Sɔdɔ̀ùŋ, màŋ heo weè nàŋ nɔ̀ŋ e teenga mààŋ tɛɛ̀ sùà.

Maafiù 18:9

E kìlà sèè e fɛɛ̀ mɔ̀ɛ̀ nɔ̀ŋ esaɓù wèè maŋ nyɛ̀nɛ̀ŋ e keì naanààŋ, gè niŋ noo muŋ gò. È yaà tɛ̀ɛ̀ wèè maŋ kɔ̀à e fɛ̀ɛ̀ guùŋ e Kànà Dayàa sùà wɔŋ nyiiŋ gèe sùà wèè maŋ kùwìè le fɛ̀ɛ̀ tìyèe yèè aum gbìàŋ ko jàhamaŋ ko yèi e hmɔ̀ɔ̀ɛŋ yaào lɛ̀ e fè nyime.

Maafiù 23:33

Niŋ fè è nɛ̀ŋ gbiŋ eɓìèmàŋjɛ̀wɛ̀ aŋ kàì yèè aŋ jɔ̀à kòmàŋ aŋ kàì. Diè nìŋ naŋ ɓɛ̀nɛ̀ŋ dùaŋ wèè niŋ go nàŋ kɔ̀ ko jàhamaŋ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ?

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Maafiù 5:29

Weètii, sèè e fɛ̀ɛ̀ kùàŋ jìka mɔ̀ɛ̀ eum nyɛ̀nɛ̀ŋ maŋ sɛ̀ɛ̀ e jùumù sùà, gè niŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ e fɛ̀ɛ̀ guùŋ, e nɛ̀ɛŋ nyɛ̀nɛ̀ŋ maŋ kɛ̀ɛ̀nɛ̀ŋ e fɛ̀ɛ̀ tìyèe kpeiŋ aŋ gbìàŋ ke kpùnaŋ mɔɛ̀ŋ ko jàhamaŋ.

Maafiù 8:29

Ko fɛɛ̀feìŋ aŋ felaa nyàŋ naŋ kpààŋ sɛiiŋ nyààŋ, “Jɔ̀àfèlàà Dayàa! Kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi nimilà paŋgàà e teenga wilɛ̀ è haì?”

Luù 16:24

Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Luù 8:28

E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

1 Kɔliìŋ 15:55

“Fàa, muŋ gò ɓùlà. Fàa, mùŋ jele, kòò e gaàum mɔ̀ɛ̀ yaà naàŋ wèè e jèlà?”

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.