Luù 16:2 - WƆŊ FƐ̀Ì EBÒ SÌÀŊ DAYÀA

² Yèè wo felaa bàneɔ̀ nauŋ nyààŋ wò nauŋ dàwè wààŋ, ‘Kiìŋ mìŋ naŋ yaà kòmò e nyaàiŋ eum dè? Hnaàŋ muŋ kiɛ̀im ke jii gbài e nyaàiŋ dè manɛ̀ŋ maŋ kinɛiŋ mùŋ yaà yɛ̀ɛ̀mɛ̀ diɛŋ màŋ, esaɓù kɛ̀ mìŋ yààùm gè sùà e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè.’

Luù 16:2 ပူးပေါင်းရင်းမြစ်များ

Maafiù 12:36

“Nyìmaìŋ tɔɔɓaa kɛ̀ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ, nìŋ do nàŋ kìɛ̀ŋ e jìwààjɛ̀wɛ̀ wèè ke mìè gbòà fitinaŋ gbiŋ ke yèɛ nìŋ naŋ wa gbòò yɛ.

Maafiù 20:8

“E koya gɔɛɛ lii wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ naŋ wòò wo nyùnɔ̀ɔŋ sia anyuùŋ tòmo nyàŋ feìŋ nyaŋ kɛ̀ wo nyààŋ nyiŋ wèè wo paawà nyiŋ e nɛɛnɛŋ nyiŋ nɛ̀. Wo kɛ̀ɛ̀nɛ̀ŋ ɓùɔ naŋ ɓɛìŋ wòò wo felaaà wààŋ wo tɔɔtù niŋ koɓɛ̀ anyuùŋ tòmo dìàmaŋ nyàŋ, e jeèsùà wo haì koɓɛ̀ anyuùŋ jiɛ̀jiɛ̀ nyaŋ.

Luù 12:20

Kpeiŋ wo Dayà nauŋ woò wààŋ, ‘Mùŋ yaà wo nyuùŋ zùwo! Wɔŋ dùùm guùŋ wɛɛ̀ŋ mùŋ do nàŋ fɔ̀! Mùŋ naŋ gongò ke jii mɔɛ̀ŋ sùà kɛ̀ mùŋ do nàŋ jìkà manɛ̀ŋ maŋ gbiŋ mùŋ naŋ bànè hàa wèè muàŋ bi màŋ? Màŋ do nàŋ nɔ̀ŋ wèè wo nyuùŋ joo bà.’ ”

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Luù 16:1

Wo Jisɛ̀ naŋ wa ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo felaa bàne bà yaào wa, wò kuwa wa wo ɓɔìjɔ̀à yɛ̀mɛ̀ manɛ̀uŋ màŋ diɛŋ ko gbooì. Anyùùŋ nyaŋ naŋ wa wòò wo felaa bàneɔ̀ nyààŋ kɛ̀ wo ɓɔìjɔ̀àa yɛmɛ̀ manɛ̀uŋ màŋ diɛŋ wɔ̀ yaà wa pɔ̀ɔ̀pɔ̀ɔ̀ sùà e nɛ̀ɛ̀nɛ̀ŋ kààmɔɔuŋ nɔɔ̀ŋ.

Luù 16:3

Wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ naŋ wòò koɓɛ̀ wuŋ biì wààŋ, ‘Wo kààmɔɔŋ miɔ̀ŋ yaà hinie woim gè e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè. Kiìŋ mìŋ do nàŋ nyɛ̀nɛ̀ŋ? Miŋ gò nyìngà kɔɔ wèè ka nyɛ̀nɛ̀ŋ è tòmo nyìnga, yèè e sàngèɛ nyɛ̀nɛ̀ìm wèè ka hɔmɔ̀ɔ̀ŋ.

Luùm 14:12

Yàwi nààŋ gbiŋ doiŋ wa nàwèè nàŋ kìɛ̀ŋ e jìwààjɛ̀wɛ̀ koɓɛ̀ Dayài wèè e yèɛ è naiŋ nyɛ̀nɛ̀ŋ lɛ.

1 Kɔliìŋ 1:11

Anyùùŋ bà e yìwìà ke kpòò Chilìòɛ sùà àim woò kpɛlɛmɛɛŋ nyɛ̀iŋ nààŋ wùìyaim nyàŋ, kɛ̀ e nyaàŋ tàaŋ èiŋ sɛ̀ɛ̀ e tɛɛ.

1 Kɔliìŋ 4:2

E kèì guùŋ nɔŋ àŋ dawà aŋ ɓɔìjɔ̀à wèè aŋ nyɛ̀nɛ̀ŋ tiiŋ nàŋ yàà wèè aŋ nɔ̀ŋ e tɔ̀ɔ̀nyaàŋ sùà koɓɛ̀ wo kana nyiŋ nɔɔ̀ŋ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

1Time 5:24

Maŋ jùùmù anyùùŋ nyaŋ bà nyiŋ hawa nɔŋ janjai e kìlà àŋ yɛmɛ̀ miìŋ, yèè maŋ jùumù nyiŋ màŋ yaà nyiìŋ feìŋ wèè e tèèngà gbàiɛ̀, kɛɛ maŋ jùùmù anyùùŋ nyaŋ bà nyiŋ màŋ nɔ̀ŋ ko nyɛɛnɛŋ yèè àŋ do miŋ wa nàwee nàŋ yɛmɛ̀ ko dòmàŋfeìŋ.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.

1Pììlɛ 4:5

Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.

Maŋ kèì nyɛɛnɛŋ 20:12

Mìŋ naŋ yɛ̀mɛ̀ anyuùŋ fàa nyàŋ, wo gbeeɔ̀ yèè tòloòɔ, àŋ sia ke kpùà Kanaà feìŋ. Maŋ fɛi naŋ nɔ̀ŋ yìle miŋ. Wɔŋ fɛi joo bà naŋ wa ɓɛìŋ nɔ̀ŋ yìle wuŋ, wɔŋ fɛ̀ì anyuùŋ gè nyiiŋ nyàŋ. Àŋ naŋ gbàì anyuùŋ fàa nyàŋ e nyaàiŋ dè maŋ keì maŋ àŋ naŋ wa nyɛ̀nɛ̀ŋ maŋ, nààŋ è yaà sìnga niŋ maŋ fɛi màŋ sùà lɛ kɛ̀,