Luù 16:19 - WƆŊ FƐ̀Ì EBÒ SÌÀŊ DAYÀA

¹⁹ “Wo kenàŋ bàne bà yaào wa wo yèɔ hewa kpàà maŋ deè nyìngà ɓaà tèènè maŋ dèè sɛ̀ìŋ tɔɔ yèè wò yaà ke nyɛɛnkɛŋ sùà ke ɗɔɔ gbiŋ.

Luù 16:19 ပူးပေါင်းရင်းမြစ်များ

Luù 15:13

Maŋ ɗɔɔ kpàa naŋ mààŋ yèè wo jɔ̀àfelaa jɔaà naŋ mààŋ maŋ jeuŋ manɛ̀ŋ maŋ gbiŋ, wo ɓèmè e nɛɛnɛɛ̀ŋ wo yèwà ko gbooì. Wò naŋ kɔ̀ wɔŋ fuɔŋ diidìì bà sùà, kuŋ wò naŋ nyìnìè wɔŋ nyiiŋ gèeuŋ nɔɔ̀ŋ, wo pɔ̀ɔ̀pɔ̀ɔ̀ e nɛɛnɛɛ̀ŋ e gbana sùà.

Luù 16:1

Wo Jisɛ̀ naŋ wa ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo felaa bàne bà yaào wa, wò kuwa wa wo ɓɔìjɔ̀à yɛ̀mɛ̀ manɛ̀uŋ màŋ diɛŋ ko gbooì. Anyùùŋ nyaŋ naŋ wa wòò wo felaa bàneɔ̀ nyààŋ kɛ̀ wo ɓɔìjɔ̀àa yɛmɛ̀ manɛ̀uŋ màŋ diɛŋ wɔ̀ yaà wa pɔ̀ɔ̀pɔ̀ɔ̀ sùà e nɛ̀ɛ̀nɛ̀ŋ kààmɔɔuŋ nɔɔ̀ŋ.

Luù 16:18

“Wo felaaà gbiŋ naŋ gè wo jawèuŋ nɔɔ̀ŋ ɓie yèè wò naŋ ɓɛìŋ ɓèmè wo jɔùŋ joo bà wɔ, wò nyɛ̀nɛ̀ŋ hmɔŋtu. Wo felaaà yèɔ ɓemàŋ wo jɔùŋ bi wɔ̀, wò nyɛ̀nɛ̀ŋ hmɔŋtu wuŋ pɛɛ.

Luù 16:20

Wo felaa pɔ̀ɔ hɔ̀mɔɔŋ bà yaào wa wuŋ pɛɛ àŋ nyaaŋ nyààŋ Lazɔlɔ̀. Wo gbiŋ yaà wa manɛ̀ŋjèla, yèè àŋ heuŋ wa hìàŋ wɔŋ gbàngì kenàŋ bàneɔ̀ yɛmgbɛ̀.

Maŋ kèì nyɛɛnɛŋ 17:4

Wo nìeɔ̀ naŋ wa kpàà maŋ deè tèènè maŋ sɛ̀ìŋ tɔɔ yaà maŋ deè wɛ̀ìŋ, wò naŋ wa sìè maŋ gòoò jɔ̀ɔ̀ɔ, maŋ kaiŋ yèè maŋ ɓaungosì nyìngà ɓaà gɛ̀wɛɛ̀. Wò kuwa wa wɔŋ kpòò bàànè gòoò ko sìwè wɔ̀ŋ naŋ dìè maŋ keì kùwà ninaŋ gò zɛ̀nɛ̀ŋ maŋ gbiŋ wò naŋ nyɛ̀nɛ̀ŋ maŋ e nyaàiŋ dè ke yɛ̀ɛ̀ hmɔŋtu naanààaŋ wò naŋ nyɛ̀nɛ̀ŋ yɛ.

Maŋ kèì nyɛɛnɛŋ 18:16

Yèè àŋ naŋ kpààŋ sɛiŋ nyààŋ, “Kiìŋ è nimilà gbee yèè e kèì jùù lɛɛ̀, wèè ko jawa gbee kɛ̀ɛ̀nɛ̀ŋ gaàŋ gbee yaà Ɓaɓelɔ̀ùŋ! Wò hewa kpàà maŋ deè fùà siaŋ nyìngà ɓaà, maŋ deè tèènè sɛ̀ìŋ tɔɔ, yèè maŋ deè nyàaŋ. Wò he mɛ̀iŋ ɓùwìà ke kpùnauŋ nɛɛ̀ŋ maŋ gòoò jɔ̀ɔ̀ɔ, e daamàŋ, yèè maŋ dɔmɔŋ ziì gbiŋ.

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’