Luù 16:16 - WƆŊ FƐ̀Ì EBÒ SÌÀŊ DAYÀA

¹⁶ “Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 16:16 ပူးပေါင်းရင်းမြစ်များ

Maafiù 10:7

Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’

Maafiù 15:11

E nɛ̀ŋjeɛ̀ kɔ̀àùm kò sùà lɛ, e fòum nyɛ̀nɛ̀ŋ maŋ nɔ̀ŋ wò nyuùŋ gò zɛ̀nɛ̀ŋ, sɔɔ̀ e nɛ̀ɛŋ fuliàùm ko nyààŋ lɛ, tiŋ nàŋ nyɛ̀nɛ̀ùm maŋ nɔ̀ŋ wo nyuùŋ gò zɛ̀nɛ̀ŋ.”

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 16:29

Kpeiŋ wo Eɓulɔhɛɛ̀ŋ nauŋ woò wààŋ, ‘Aŋ wùìyaum nyàŋ kòò àŋ kuwao wo Mòòze yaà aŋ wɛ̀ijì nyaŋ wèè aŋ nyiŋ kìɛ̀ŋ e gòo. Tɔ̀ aŋ wùìyaum nyàŋ aŋ nyɛ̀nɛ̀ŋ e nɛ̀ɛ̀iŋ àŋ woà nyìŋ lɛ.’

Luù 16:31

Kɛɛ wo Eɓulɔhɛɛ̀ŋ nauŋ woò janjai wààŋ, ‘Sèè àŋ go nyɛ̀nɛ̀ŋ e nɛ̀ɛŋ wo Mòòze yaà aŋ wɛ̀ijì nyaŋ naŋ nyiŋ woò lɛ, aŋ naàŋ haawè sèè pɛɛ wo nyùùŋ wo weì yèwà e fàaà dìì.’ ”

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 11:48

Sèè euŋ dangè wo nɔ̀ŋ kòasùà ke kpèè yɛɛ̀ feìŋ, anyùùŋ nyaŋ gbiŋ douŋ nàŋ sìè e hààwe sùà, e kìlà anyùùŋ gbèègbèè anyùùŋ ko Luùm nyaŋ do nàŋ hnè aŋ pɔ̀ɔ̀pɔ̀ɔ̀ ke Sààŋ Zòòlò Dayà wiɛ̀ yaà wɔŋ fuɔŋ wiɔ̀.”

Jɔ̀ɔŋ 12:19

Kpeiŋ aŋ Fɛlosiì nyaŋ naŋ wòò nyiŋ bi e fèemàŋ nyààŋ, “E fèiŋ ɓɛ̀nɛ̀ŋ nyìnìàŋ wò felaa wɛɛ̀ è nɛ̀ŋ gbiŋ, esaɓù kɛ̀ anyùùŋ nyaŋ gbiŋ àuŋ naàŋ dè maŋjɛ̀wɛ.”

Jɔ̀ɔŋ 5:4

Fòfoo maŋ ɗɔɔ kpàa bà màŋ maaŋ wa, kpeiŋ kɛ̀ wo màìkà Dayàa kɔ̀ào wa wo kàànè kàànè e wùìyèɛ. Yèè sèè wò kpɛɛyɛ̀ wa tii nyɛ̀nɛŋ, wo nyuùŋ sàaŋ jiɛ̀jiɛ̀ɔ sɛɛ̀ wa e wùìyè bi sùà wɔ, e sàaŋ gbiŋ nɔ̀uŋ wa e kɔɔ sùà è joeye.]

Nyɛ̀nɛ̀ŋ 3:18

Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ.