Luù 16:10 - WƆŊ FƐ̀Ì EBÒ SÌÀŊ DAYÀA

¹⁰ Wo nyùnɔ̀ɔŋ gbiŋ nyɛnɛŋ tɔ̀ɔ̀nyaàŋ maŋ keì jɔ̀à sùà wɔ, àŋ douŋ nàŋ haawè maŋ keì gbeegbèè sùà. Wo nyùnɔ̀ɔŋ gbiŋ nyɛnɛŋ kàaɓì maŋ keì nyɛɛnyɛ̀ɛ̀ sùà wɔ, wò do nàŋ nyɛ̀nɛ̀ŋ kàaɓì maŋ keì gbeegbèè sùà.

Luù 16:10 ပူးပေါင်းရင်းမြစ်များ

Maafiù 24:45

“Sèè è nɔ̀ŋ yɛi, kɛ̀ ɓòò nàŋ yaà wo ɓɔ̀ìjɔ̀à tɔ̀ɔ̀nyaàaŋ yèè wò kuwa jiikɛ̀ɛ wɔ̀? Ɓòò nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ?

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Luù 19:17

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ! Nààŋ mùŋ naŋ tɔɔ̀ kɛ̀ mùŋ yaà wo nyùùŋ tɔ̀ɔ̀nyaàŋ wèè manɛ̀ŋ jɔa lɛ̀, mìŋ doum nàŋ nyɛ̀nɛ̀ŋ wo sìèfèìŋ maŋ jàwà gbèègbèè zììyà.’

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Jɔ̀ɔŋ 13:2

Wèè paŋ aŋ tɔɔtù wa e nɛ̀ŋjè koya nyiŋ nɛ̀ jèe, wo Sɛ̀tanàŋ naŋ gbìɛ̀ŋ e gòngò ke kpèè naanààŋ nyɛ̀nɛŋ wo Juɗà Àkaaliɔ̀ ke jiio sùà, wo jɔ̀àfèlàà Saimɔŋ Àkaaliɔ̀, yèè wò naŋ ɗewè wèè wo maàŋ wo Jisɛ̀.

Jɔ̀ɔŋ 13:27

Wo Juɗà naŋ nɔŋ kùwò ke gbɔ̀uɛ̀ fa, wo Sɛ̀tanàaŋ wò sɛ̀ɛ̀ ke jiiuŋ nɛɛ̀ŋ sùà. Yèè wo Jisɛ̀ nauŋ woò wààŋ, “Nyɛnɛ̀ŋ e yèɛ mùŋ manaŋ maŋ nyɛ̀nɛ̀ŋ lɛ fiò.”

Hiɓu 3:2

Wo Jisɛ̀ yaà wo nyuùŋ tùlìà jii wèè wo nyɛ̀nɛ̀ŋ e yèɛ wo Dayà nauŋ woò wèè wo nyɛ̀nɛ̀ŋ lɛ, wo yèɔ nauŋ wa tàeɗùù wèè wo nyɛ̀nɛ̀ŋ e tòmouŋ nɛ̀ wɔ, màànààŋ nɔŋ wo Mòòze yaà wa wo nyuùŋ tùlìà jii wèè wo tomo wèè anyùùŋ Dayà nyaŋ lɛ̀.