Luù 16:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ wa ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo felaa bàne bà yaào wa, wò kuwa wa wo ɓɔìjɔ̀à yɛ̀mɛ̀ manɛ̀uŋ màŋ diɛŋ ko gbooì. Anyùùŋ nyaŋ naŋ wa wòò wo felaa bàneɔ̀ nyààŋ kɛ̀ wo ɓɔìjɔ̀àa yɛmɛ̀ manɛ̀uŋ màŋ diɛŋ wɔ̀ yaà wa pɔ̀ɔ̀pɔ̀ɔ̀ sùà e nɛ̀ɛ̀nɛ̀ŋ kààmɔɔuŋ nɔɔ̀ŋ.

Luù 16:1 ပူးပေါင်းရင်းမြစ်များ

Maafiù 20:8

“E koya gɔɛɛ lii wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ naŋ wòò wo nyùnɔ̀ɔŋ sia anyuùŋ tòmo nyàŋ feìŋ nyaŋ kɛ̀ wo nyààŋ nyiŋ wèè wo paawà nyiŋ e nɛɛnɛŋ nyiŋ nɛ̀. Wo kɛ̀ɛ̀nɛ̀ŋ ɓùɔ naŋ ɓɛìŋ wòò wo felaaà wààŋ wo tɔɔtù niŋ koɓɛ̀ anyuùŋ tòmo dìàmaŋ nyàŋ, e jeèsùà wo haì koɓɛ̀ anyuùŋ jiɛ̀jiɛ̀ nyaŋ.

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Luù 15:13

Maŋ ɗɔɔ kpàa naŋ mààŋ yèè wo jɔ̀àfelaa jɔaà naŋ mààŋ maŋ jeuŋ manɛ̀ŋ maŋ gbiŋ, wo ɓèmè e nɛɛnɛɛ̀ŋ wo yèwà ko gbooì. Wò naŋ kɔ̀ wɔŋ fuɔŋ diidìì bà sùà, kuŋ wò naŋ nyìnìè wɔŋ nyiiŋ gèeuŋ nɔɔ̀ŋ, wo pɔ̀ɔ̀pɔ̀ɔ̀ e nɛɛnɛɛ̀ŋ e gbana sùà.

Luù 15:30

Kɛɛ wo jɔ̀àfelaaum wɛɛ̀ naŋ kɔ̀ wo pɔ̀ɔ̀pɔ̀ɔ̀ e nɛ̀ɛŋ mùŋ he weè nàŋ nyìnìè wɔŋ nyiiŋ gèe mɔɔ̀ŋ sùà lɛ aŋ jɔùŋ maŋjɛ̀wɛ, yèè nààŋ wò naŋ kɛ̀ɛ̀ maŋjɛ̀wɛ ko gbooì, mùŋ naŋ jìwè wo dìi jawe gbeeɔ̀ e weèuŋ!’

Luù 16:19

“Wo kenàŋ bàne bà yaào wa wo yèɔ hewa kpàà maŋ deè nyìngà ɓaà tèènè maŋ dèè sɛ̀ìŋ tɔɔ yèè wò yaà ke nyɛɛnkɛŋ sùà ke ɗɔɔ gbiŋ.

Luù 16:2

Yèè wo felaa bàneɔ̀ nauŋ nyààŋ wò nauŋ dàwè wààŋ, ‘Kiìŋ mìŋ naŋ yaà kòmò e nyaàiŋ eum dè? Hnaàŋ muŋ kiɛ̀im ke jii gbài e nyaàiŋ dè manɛ̀ŋ maŋ kinɛiŋ mùŋ yaà yɛ̀ɛ̀mɛ̀ diɛŋ màŋ, esaɓù kɛ̀ mìŋ yààùm gè sùà e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè.’

Luù 19:20

Wo ɓɔìjɔ̀àa bà guùŋ naŋ ɓɛìŋ hnè wò naŋ woò wààŋ, ‘Kààmɔɔŋ, ke pàtàà guùŋ mɔɛ̀ŋ kɛɛ̀. Mìŋ naŋ nyiŋ mɛ̀iŋ kpènèkpènè wɔŋ pisì sùà.

Luù 8:3

Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Taitɔ̀ 1:7

Nààŋ wo sìèfèìŋ anyuùŋ hààwe nyàŋ nàŋ yaà wo ɓɔìjɔ̀à yɛ̀mɛ̀ e kèè e tòmò Dayàa dììo sùà lɛ, ɓɔ̀ wò kuwìè è tɔ̀mɛ. Ɓɔ̀ wò nɔ̀ŋ wò nyuùŋ mànàŋ tɛɛ, ɔ̀ɔ̀ wò nyuùŋ bìà jii, ɔ̀ɔ̀ wò nyuùŋ tìà màŋ mùàŋ tiwìtiwì ɔ̀ɔ̀ wò nyuùŋ dàà gbɔ̀ɔ ɔ̀ɔ̀ wò nyùùŋ wùànàŋ nɛɛnɛŋ keekèè.

Jìiiŋ 4:3

Nìŋ dawà wo Dayà, kɛɛ wo fèiŋ miŋ kiɛ̀ŋ, esaɓù kɛ̀ nìŋ kuwìà maŋ ɗèwe naanààŋ. Nìŋ dawà wèè manɛ̀ŋ wèè naŋ miŋ gbìàŋ e gbànà nyɛ̀iŋ biɛ̀ sùà.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.