Luù 15:7 - WƆŊ FƐ̀Ì EBÒ SÌÀŊ DAYÀA

⁷ Wo Jisɛ̀ naŋ nyiŋ ɓɛìŋ woò wààŋ, “Yɛi nɔŋ e zɔlɔ̀ do nàŋ nɔ̀ŋ ko àìjɛnɛ̀ŋ sèè wo nyùùŋ maŋ tùwo naanààaŋ bà guùŋ fè maŋ tùwo naanààuŋ màŋ jɛwɛ, e nìàŋ anyùùŋ tɔ̀ɔ̀nyaàŋ gbànaŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ diɛŋ aŋ yè nyaŋ kuwà màŋ tùwò naanààŋ wèè aŋ miŋ fè jɛwɛ nyàŋ.”

Luù 15:7 ပူးပေါင်းရင်းမြစ်များ

Maafiù 18:13

Miŋ woòum e tɔɔɓaaà, sèè wò mɛɛ̀ŋ wo ɓaawaaà naŋ go wɔ̀, wò do nàŋ nɔ̀ŋ e zɔlɔ̀ gbee sùà e weèuŋ e nìàŋ aŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ nààŋ gò go nyàŋ.

Maafiù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀, tɔɔɓaa nàŋ fè maŋ tùwo naanààiŋ màŋ jɛwɛ.

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 15:29

Kɛɛ wò naŋ wòò wo kɛ̀ɛ̀ wààŋ, ‘Yɛ̀mɛ̀, kà tomo e weèum mààŋ wo ɗo maŋ doa mɛɛ̀ŋ gbiŋ, yèè miŋ gò gììyà kè mìè gbòa mɔɛ̀ŋ màŋhɛɛ kè ɗɔ̀ɔ̀ guùŋ. Kiìŋ mùŋ naim wa kiɛ̀ŋ? Kòò mùŋ kìɛ̀ìm pɛɛ wò diì jɔ̀à wèè yàwi nààŋ dàwiim nyàŋ eiŋ gììyà è zɔlɔ̀ kòɓɛ̀ guùŋ!

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 15:6

màuŋ kɛ̀lɛ̀ɛ̀ ko gboo moo. Kpeiŋ mùŋ do nàŋ nyààŋ aŋ dàwium nyàŋ yaà anyuùŋ gboo kuaum nyàŋ koɓɛ̀ guùŋ maŋ nyiŋ woò mààŋ, ‘Ke jii naim fɔ̀ esaɓù kɛ̀ kà mɛ̀ɛ̀ŋ wo ɓaawaa miɔ̀ŋ naŋ dai go wɔ̀. Gììyà wiìŋ zɔlɔ̀ koɓɛ̀ guùŋ.’ ”

Luù 15:8

Wo Jisɛ̀ naŋ ɓɛìŋ woò wààŋ, “Sèè wo jɔùŋ wo weè kùwìè e kaiŋ fua nɛɛnɛŋ è zììyà yèè kè guùŋ kouŋ gò sìwè, kiìŋ wò nyɛnɛŋ? Wò sie e laumpò, wo hàmàŋ ko saauŋ niìŋ gbiŋ ko kaame nyiŋ e jèèsùà wo nyiŋ mɛɛ̀ŋ.

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Luù 5:32

Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ fè màŋ tùwo naanààŋ nyiŋ màŋ jɛwɛ. Mìŋ naŋ hnè wèè ka nyààŋ anyùùŋ maŋ jùumù nyaŋ.”

Luùm 7:9

Miàŋ bi mìŋ yaà wa wɔŋ nyiiŋ gèeɔ̀ sùà paŋgàà mìŋ naŋ wa nyìmè e kèè ke sàwàa. Kɛɛ nààŋ ke sàwà naŋ naàŋ nɔ̀ŋ, e jùumù naŋ kɛ̀ɛ̀nɛ̀ŋ gààŋ wɔŋ nyiiŋ gèe diɛŋ,