Luù 15:5 - WƆŊ FƐ̀Ì EBÒ SÌÀŊ DAYÀA

⁵ Sèè mùŋ mɛɛ̀ŋ wo ɓaawaaà naŋ go wɔ̀, mùŋ do nàŋ nɔ̀ŋ e zɔlɔ̀ gbee sùà e weèuŋ, kɛ̀ màuŋ ɓemè màuŋ hàà gbaŋ

Luù 15:5 ပူးပေါင်းရင်းမြစ်များ

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 15:4

“Sèè nyɛ̀iŋ nyɛɛ̀ŋ bà guùŋ wo woì kɛ̀ɛ̀nɛ̀ŋ aŋ ɓaawaa hɔ̀nɔ̀ɔ̀ guùŋ (100), kpeiŋ wò bà guùŋ wo go, kiìŋ mùŋ nyɛnɛŋ? Mùŋ joo aŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ (99) gbànaŋ nyàŋ ko gbilie yèè maŋ kà ko kààmè wo jè gunɔ̀ɔŋ naŋ go wɔ̀ e jèèsùà mauŋ mɛɛ̀ŋ.

Luù 15:6

màuŋ kɛ̀lɛ̀ɛ̀ ko gboo moo. Kpeiŋ mùŋ do nàŋ nyààŋ aŋ dàwium nyàŋ yaà anyuùŋ gboo kuaum nyàŋ koɓɛ̀ guùŋ maŋ nyiŋ woò mààŋ, ‘Ke jii naim fɔ̀ esaɓù kɛ̀ kà mɛ̀ɛ̀ŋ wo ɓaawaa miɔ̀ŋ naŋ dai go wɔ̀. Gììyà wiìŋ zɔlɔ̀ koɓɛ̀ guùŋ.’ ”

Luù 19:9

Yèè wo Jisɛ̀ nauŋ woò wààŋ, “E jòèye è nàaŋ hnàŋ ko gboo yaà, esaɓù kɛ̀ wo felaa wɛɛ̀ wuŋ pɛɛ wò yaà wo jɔ̀ɛ̀jɔ̀ɛ̀ Eɓulɔhɛɛ̀ɔŋ bà.

Luù 23:43

Wo Jisɛ̀ nauŋ woò wààŋ, “Tɔ̀ miŋ woòum e tɔɔɓaaà, yàwium do nàŋ nɔ̀ŋ ko jàwà Dayà nàaŋ ɗɔɔ yɛɛ̀.”

Jɔ̀ɔŋ 15:11

“Mìŋ naiŋ tɛɛ̀ woò wèè kaiŋ sìà e zɔlɔ̀ zimgbe sùà màànààŋ mìŋ yaà lɛ.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Ɛfesɔ̀ 3:7

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à wèè ke mìè gbìàŋ Ebò Siaàŋ e yìwìà e tɛ̀ɛ̀tɛ̀ɛ̀uŋ nɛ̀ sùà e yèɛ wò naim kiɛ̀ŋ esàɓù e tòmò gaàuŋ nɛ̀ sùà lɛ.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

2Time 2:26

E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

1Pììlɛ 1:5

Nyɛ̀iŋ nàŋ kànà miìŋ maŋ yè maŋ esàɓù hààwe sùà wo Dayà do miŋ nàŋ yɛ̀mɛ̀ diɛŋ e gaàuŋ nɛ̀ sùà wèè e jòèyeɛ̀ e yèɛ yaà bànèbane niŋ wèè wo dàànè ebò niŋ ke ɗɔɔ dìàmaàŋ diɛŋ lɛ̀.